News February 20, 2025
విశాఖ: VRS చేస్తే రూ.50 లక్షలు..!
విశాఖ స్టీల్ ప్లాంట్లో 1140 మంది ఉద్యోగులు స్వచ్ఛందంగా ఉద్యోగ విరమణ చేయనున్నారు. నెల రోజుల క్రితం ప్లాంట్ యాజమాన్యం వీఆర్ఎస్కు ప్రకటన ఇచ్చింది. ఈక్రమంలో 1600 మందికిపైగా ఉద్యోగులు దరఖాస్తు చేసుకున్నారు. వీరిలో కొందరి అప్లికేషన్లు రిజెక్టయ్యాయి. 1,140 వీఆర్ఎస్కు ఆమోదం లభించింది. రిటైర్మెంట్ తీసుకునే ప్రతి ఉద్యోగికి అత్యధికంగా రూ.50 లక్షల వరకు నగదు అందుతుంది. ఈ మేరకు కేంద్రం నిధులు విడుదల చేసింది.
Similar News
News November 10, 2025
భాగ‌స్వామ్య సదస్సు ఏర్పాట్లు పూర్తికావాలి: కలెక్టర్
ఈ నెల 14,15వ తేదీల్లో జ‌ర‌గ‌నున్న భాగ‌స్వామ్య సదస్సు ఏర్పాట్లు 12వ తేదీ సాయంత్రం నాటికి పూర్తికావాల‌ని అధికారుల‌కు కలెక్టర్ హ‌రేంధిర ప్రసాద్ నిర్దేశించారు. క‌లెక్టరేట్లో అధికారులతో సోమవారం సమావేశమయ్యారు. ఎక్క‌డా ఎలాంటి స‌మ‌న్వ‌య లోపం రాకుండా అధికారులు అప్ర‌మ‌త్తంగా ఉండాల‌ని పేర్కొన్నారు. స‌దస్సులో ఉపరాష్ట్రప‌తి, గవ‌ర్న‌ర్, సీఎం, కేంద్రమంత్రులు భాగ‌స్వామ్యం కానున్నార‌ని సూచించారు.
News November 10, 2025
గోపాలపట్నంలో వివాహిత అనుమానాస్పద మృతి
గోపాలపట్నం సమీపంలో రామకృష్ణాపురంలో నివాసం ఉంటున్న శ్యామల అనుమానాస్పదస్థితిలో మృతి చెందింది. పది నెలల క్రితం వేపాడ దిలీప్ శివ కుమార్‌తో వివాహం కాగా తల్లిదండ్రులు భారీగానే ఇచ్చారు. సోమవారం శ్యామల చనిపోయినట్లు సమాచారం అందడంతో తల్లి వచ్చి చూసి ముఖం పైన బలమైన గాయాలు ఉండడంతో పోలీసులకు ఫిర్యాదు చేసింది. తన కూతుర్ని అల్లుడు, బంధువులే చంపేశారని ఫిర్యాదు చేశారు. మృతురాలి శ్యామల నేవిలో ఉద్యోగం చేస్తోంది.
News November 10, 2025
గాజువాక: బార్‌లో వెయిటర్ ఆత్మహత్య
గాజువాకలోని ఓ బార్‌లో వెయిటర్ ఆత్మహత్య చేసుకున్నాడు. ఈ ఘటన సోమవారం జరిగింది. వై.జంక్షన్ వద్ద బార్ అండ్ రెస్టారెంట్‌లో చంద్రమోహన్ అనే వ్యక్తి వెయిటర్‌గా పనిచేస్తున్నాడు. బార్‌లోనే చంద్రమోహన్ ఉరివేసుకోవడంతో యజమాని పోలీసులకు ఫిర్యాదు చేశాడు. దీంతో పోలీసులు అతని మృతికి గల కారణాలపై ఆరా తీస్తున్నారు.