News February 20, 2025
సిరిసిల్ల: డైరీ ప్లాంట్ మూసివేత: కలెక్టర్
సరైన అనుమతులు లేకపోవడంతో కరీంనగర్ డైరీ ప్లాంట్ మూసివేసినట్టు సిరిసిల్ల కలెక్టర్ సందీప్ కుమార్ ఝా తెలిపారు. సిరిసిల్ల కలెక్టరేట్లో గురువారం ప్రకటన విడుదల చేశారు.వేములవాడ మండలం అగ్రహారంలోని కరీంనగర్ మిల్క్ ప్రొడ్యూసర్ డైరీ ప్లాంట్ కు సరైన అనుమతులు లేకపోవడంతో ప్రమాద నివారణ చర్యలలో భాగంగా తాత్కాలికంగా మూసివేసినట్ల స్పష్టం చేశారు. రైతులకు ఇబ్బందులు కలగకుండా ప్రత్యామ్నాయ చర్యలు తీసుకుంటామన్నారు.
Similar News
News November 12, 2025
HYD: DEC 3 నుంచి టీజీ‌సెట్ హాల్ టికెట్లు
రాష్ట్రవ్యాప్తంగా అసిస్టెంట్ ప్రొఫెసర్, డిగ్రీ లెక్చరర్‌షిప్‌నకు అర్హత సాధించేందుకు నిర్వహించే తెలంగాణ స్టేట్ ఎలిజిబిలిటీ టెస్ట్ (టీజీ సెట్)- 2025 పరీక్ష హాల్ టికెట్లను వచ్చే నెల 3వ తేదీ నుంచి తమ వెబ్‌సైట్లో అందుబాటులో ఉంచుతామని సెట్ మెంబర్ సెక్రెటరీ ప్రొఫెసర్ బి.శ్రీనివాస్ తెలిపారు. 29 సబ్జెక్టుల పరీక్షలను వచ్చే నెల 10వ తేదీ నుంచి 3 రోజుల పాటు నిర్వహిస్తామని స్పష్టంచేశారు.
News November 12, 2025
నిర్మల్: మహిళపై లైంగిక దాడి.. ఇద్దరికి 20 ఏళ్ల శిక్ష
స్నేహితుడి భార్యను అపహరించి లైంగిక దాడి చేసిన ఇద్దరు నేరస్థులకు 20 ఏళ్ల కఠిన కారాగార శిక్ష, రూ.5వేల చొప్పున జరిమానా విధిస్తూ నిర్మల్ జిల్లా ప్రిన్సిపల్ అండ్ సెషన్స్ జడ్జి శ్రీవాణి బుధవారం తీర్పు వెలువరించారు. ఖానాపూర్ మండలం పాత ఎల్లాపూర్‌కు చెందిన ధర్మపురి, గంగాధర్ 2017లో ఈ నేరానికి పాల్పడ్డారు. ఖానాపూర్ పోలీసులు కేసు నమోదు చేయగా విచారణలో నేరం రుజువు కావడంతో శిక్ష ఖరారైంది.
News November 12, 2025
MBNR: భరోసా ఏడాది పూర్తి.. మొత్తం 163 కేసులు
మహబూబ్‌నగర్‌లోని భరోసా కేంద్రం స్థాపించబడి నేటికీ ఏడాది పూర్తి అయింది. మొత్తం 163 కేసులు భరోసా కేంద్రానికి అందాయి. CWC వారి భాగస్వామ్యంతో సహకారంతో POCSO కేసులు-117, రేప్ కేసులు-24, ఇతర కేసులు-22 వచ్చాయని, కౌన్సెలింగ్-218, పరిహారాలు-119 అందయన్నారు. DWO సహకారంతో ఇప్పటివరకు మొత్తం 45 బాధితులకు రూ.11,25,000 విలువైన పరిహారం అందించామని అధికారులు వెల్లడించారు.