News February 21, 2025
విద్యార్థులతో కలిసి భోజనం చేసిన కలెక్టర్
మొగుళ్లపల్లి మండల కేంద్రంలోని మహాత్మా జ్యోతిబాపులే బాలుర వసతి గృహాన్ని జిల్లా కలెక్టర్ రాహుల్ శర్మ సందర్శించారు. ఈ సందర్భంగా ఆయన విద్యార్థులతో కలిసి, భోజనం చేస్తూ.. వారితో ముచ్చటించారు. కాగా, జిల్లా కలెక్టర్ రాహుల్ శర్మ ఈరోజు రాత్రి వసతి గృహంలో విద్యార్థులతో కలిసి బస చేయనున్నారు. అంతకుముందు ఆయన వంట శాలను పరిశీలించారు.
Similar News
News September 16, 2025
KNR: SEPT 17న జాతీయ పతాకం ఆవిష్కరించేది వీరే..!
సెప్టెంబర్ 17న తెలంగాణ ప్రజాపాలన దినోత్సవాన్ని పురస్కరించుకుని జిల్లాల్లో జాతీయ పతాకాన్ని ఆవిష్కరించేందుకు రాష్ట్ర ప్రభుత్వం మంత్రులను, ఛైర్మన్లను నియమించింది. JGTLలో BC కమిషన్ ఛైర్మన్ నిరంజన్, PDPLలో మైనారిటీస్ ఛైర్మన్ ఓబేదుల్లా కొత్వాల్, KNRలో మంత్రి అడ్లూరి లక్ష్మణ్ కుమార్, SRCLలో ప్రభుత్వ విప్ ఆది శ్రీనివాస్ జాతీయ జెండాను ఆవిష్కరించనున్నారు. ఇందుకు అనుగుణంగా అధికారులు ఏర్పాట్లు చేస్తున్నారు.
News September 16, 2025
KNR: GST ఎఫెక్ట్.. వెలవెలబోతున్న షోరూమ్స్..!
కొత్త GST విధానం ఈనెల 22 నుంచి అమల్లోకి రానుంది. దీంతో పలు వస్తువుల ధరలు భారీగా తగ్గే అవకాశముంది. కొత్త GST స్లాబులు వచ్చేవరకు కస్టమర్లు వెయిట్ చేస్తుండడంతో ఎలక్ట్రానిక్స్, కార్లు, బైకులు, త్రిచక్రవాహనాల షోరూంలు వెలవెలబోతున్నాయి. ఉమ్మడి KNR వ్యాప్తంగా కార్స్ 9%, బైక్స్ 7%, ఎలక్ట్రానిక్స్ ధరలు 5% తగ్గనున్నాయి. కొత్త GSTతో పాటు దసరా, దీపావళి ఆఫర్లతో ఒక్కసారిగా కొనుగోళ్లు భారీగా పెరిగే అవకాశం ఉంది.
News September 16, 2025
MHBD: విద్యార్థిని చితకబాదిన దుకాణం యజమాని
చాక్లెట్లు కొనేందుకు దుకాణానికి వెళ్లిన విద్యార్థిని చితకబాదిన ఘటన కురవి మండలం కంచర్లగూడెంలో చోటుచేసుకుంది. కంచర్లగూడెం పాఠశాలలో విద్యార్థి ఆకాశ్ 5వ తరగతి చదువుతున్నాడు. చిన్నారులు ఏడుస్తుండటంతో చాక్లెట్ల కోసం అతన్ని టీచర్ షాపునకు పంపాడు. అక్కడే ఉన్న కోతులు దాడి చేస్తాయని షాపులోకి వెళ్లిన అతన్ని యజమాని చూశాడు. కోతులు రావడంతో షాపులోకి వచ్చానని చెప్పినా వినకుండా చితకబాదినట్లు బాధితులు తెలిపారు.