News February 22, 2025
NGKL: జిల్లా వాహనదారులకు ఎస్పీ హెచ్చరిక
జిల్లాలోని అన్ని పోలీస్ స్టేషన్ల పరిధిలో నేటి నుంచి స్పెషల్ డ్రైవ్ చేపట్టనున్నట్లు జిల్లా ఎస్పీ గైక్వాడ్ వైభవ రఘునాథ్ తెలిపారు. మైనర్లు వాహనాలు నడపడం, మద్యం తాగి వాహనాలు నడపడం, నంబర్ ప్లేట్లు లేని వాహనాలను సీజ్ చేసి కేసులు నమోదు చేస్తామని ఎస్పీ హెచ్చరించారు. ద్విచక్ర వాహనదారులు హెల్మెట్,ఫోర్ వీలర్స్ వాహనదారులు సీటు బెల్టు తప్పనిసరిగా ధరించాలని సూచించారు.
Similar News
News November 7, 2025
తరచూ ఛాతి ఎక్స్‌రేలు తీయించుకుంటున్నారా?
చాలామంది వార్షిక హెల్త్ చెకప్స్‌లో రక్త పరీక్షలతో పాటు ఎక్స్‌రేలు చేయించుకుంటారు. అయితే ఆరోగ్యంగా ఉండి, ఎలాంటి అనారోగ్య లక్షణాలు లేని వ్యక్తులు చెస్ట్ ఎక్స్-రేలు తీసుకోనక్కర్లేదని వైద్యులు సూచిస్తున్నారు. ‘ఎక్స్-రేలు తరచూ తీయించుకుంటే రేడియేషన్‌కు గురవుతారు. ఇది దీర్ఘకాలంలో సమస్యలకు దారితీయవచ్చు. దగ్గు, జ్వరం, టీబీ వంటి అనారోగ్యం బారిన పడినవారు వైద్యుల సూచనతో తీసుకోవాలి’ అని పేర్కొన్నారు.
News November 7, 2025
నిజామాబాద్: మలావత్ పూర్ణకు పితృ వియోగం
అత్యంత పిన్న వయస్సులో ఎవరెస్టు శిఖరాన్ని అధిరోహించి ప్రపంచ రికార్డు సృష్టించిన మలావత్ పూర్ణకు పితృవియోగం కలిగింది. ఆమె తండ్రి దేవీదాస్(50) శుక్రవారం అనారోగ్యంతో మృతిచెందారు. గత కొంతకాలంగా కామారెడ్డిలోని ఓ ప్రైవేటు ఆసుపత్రిలో కోమాలో ఉన్న ఆయన ఇవాళ ఉదయం కన్నుమూశారు. అంత్యక్రియలు సాయంత్రం ఆయన స్వస్థలం నిజామాబాద్ జిల్లా సిరికొండ మండలం పాకాల గ్రామంలో నిర్వహించనున్నట్లు కుటుంబ సభ్యులు తెలిపారు.
News November 7, 2025
వేమూరి వినోద్ అరెస్ట్.. రిమాండ్‌కు తరలింపు
AP: కర్నూలు బస్సు <<18110276>>ప్రమాద ఘటన<<>>లో వి.కావేరి ట్రావెల్స్ యజమాని, A2 వేమూరి వినోద్ కుమార్‌ను అరెస్టు చేసినట్లు ఎస్పీ విక్రాంత్ వెల్లడించారు. కర్నూలు కోర్టులో హాజరుపరిచి రిమాండ్‌కు తరలించినట్లు తెలిపారు. OCT 28న A1 డ్రైవర్ లక్ష్మణ్‌ను అరెస్టు చేశారు. గత నెల జరిగిన ప్రమాదంలో 19 మంది ప్రయాణికులు దుర్మరణం పాలైన విషయం తెలిసిందే.