News February 22, 2025
తడి చెత్తతో వుడ్ బ్రిక్స్ తయారీ
భద్రాచలం గ్రామపంచాయతీ అధ్వర్యంలో నిత్యం సేకరించే తడి చెత్తను డీఆర్సీసీలో ఏర్పాటు చేసిన యంత్రాల ద్వారా వేరు చేసి, వాటి ద్వారా వచ్చే పిప్పితో వుడెన్ ఇటుకలు (బ్రిక్స్) తయారు చేసే ప్రక్రియ గ్రామ పంచాయతీలో మొదలయింది. కాగా రాష్ట్రంలో ఈ పద్ధతిలో ఇటుకలు తయారు చేసే ఏకైక గ్రామ పంచాయతీగా భద్రాచలం నిలిచింది. కాగా వీటిని స్థానికంగా ఉన్న ప్రభుత్వ పాఠశాలలకు ఉచితంగా అందించనున్నారు.
Similar News
News November 4, 2025
రాజన్న ఆలయ ఓపెన్ స్లాబ్‌లో క్యూలైన్ల తొలగింపు
వేములవాడ శ్రీ రాజరాజేశ్వర స్వామి వారి దేవస్థానంలోని ఓపెన్ స్లాబ్ ప్రాంగణంలో ఉన్న క్యూలైన్లను ఆలయ అధికారులు తొలగిస్తున్నారు. ఓపెన్ స్లాబ్ ప్రాంగణంలో కోడె మొక్కుల కోసం జిగ్ జాగ్ వరుసలతో కూడిన పెద్ద క్యూ లైన్ ఉంది. దీంతోపాటు ప్రసాదాల కోసం, పూజా టికెట్ల విక్రయం కోసం ప్రత్యేక కౌంటర్లు ఉన్నాయి. ఆలయ అభివృద్ధి పనులలో భాగంగా ఓపెన్ స్లాబ్ మొత్తం కూల్చివేయనున్నారు. దీంతో మొత్తం క్యూలైన్లను తొలగిస్తున్నారు.
News November 4, 2025
కొండారెడ్డిపల్లిలో అత్యధిక వర్షపాతం నమోదు
NGKL జిల్లాలో గడిచిన 24 గంటల్లో వివిధ ప్రాంతాలో వర్షం కురిసింది. అత్యధికంగా బల్మూరు మండలం కొండారెడ్డిపల్లిలో 36.5 మి.మీ వర్షపాతం నమోదైంది. కల్వకుర్తి 31.0, కిష్టంపల్లి 22.5, ఎల్లికల్, లింగాల 20.5, ఉప్పునుంతల 18.3, ఐనోల్ 17.0, కుమ్మెర 15.5, ఊర్కొండ 10.0, అమ్రాబాద్ 9.8, వెల్టూర్ 8.8, వటవర్లపల్లి 2.8, అచ్చంపేట 2.3, అత్యల్పంగా వంకేశ్వర్ లో 0.5 మిల్లీమీటర్ల వర్షపాతం నమోదైందని వాతావరణ శాఖ తెలిపింది.
News November 4, 2025
వర్షంలో ఇబ్బంది పడుతున్న భక్తులు
శ్రీ రాజరాజేశ్వర స్వామి వారి దర్శనం కోసం వేములవాడకు వచ్చిన భక్తులు వర్షం కారణంగా ఇబ్బంది పడుతున్నారు. దూర ప్రాంతాల నుంచి వచ్చిన భక్తులు శ్రీ రాజరాజేశ్వర స్వామివారిని, శ్రీ భీమేశ్వర స్వామివారిని దర్శించుకునేందుకు నిరీక్షిస్తున్నారు. ఈ తరుణంలో మంగళవారం వేకువజాము నుంచి వర్షం ప్రారంభం కావడంతో భక్తులు వర్షంలో తడుస్తూనే శ్రీ స్వామి వారి దర్శనం కోసం వెళ్తున్నారు.