News February 24, 2025
ప్రియుడి కోసం విషం తాగిన యువతులు
AP: విషం తాగి బతికినవాళ్లు ప్రియుడితో ఉండాలని ఇద్దరు అమ్మాయిలు పోటీపడిన ఘటన అనంత(D)లో జరిగింది. దివాకర్, రేష్మ, శారద ఒకే కాలేజీలో చదివారు. దివాకర్‌ను లవ్ చేసిన రేష్మకు మరొకరితో పెళ్లైంది. ఆ తర్వాత శారదను దివాకర్ లవ్ చేశాడు. ఇటీవల రేష్మ భర్తను వదిలేసి ప్రియుడి వద్దకొచ్చింది. రేష్మ, శారద ఫ్రెండ్స్ కావడంతో మాటల్లో ట్రయాంగిల్ లవ్ స్టోరీ బయటపడింది. ప్రస్తుతం శారద చనిపోగా, రేష్మ ఆస్పత్రిలో ఉంది.
Similar News
News February 24, 2025
విద్యుత్ షాక్‌తో నలుగురు మృతి
AP: గుంటూరు జిల్లా పెదకాకాని కాళీ గార్డెన్స్ రోడ్డులో విషాదం నెలకొంది. గోశాల వద్ద విద్యుత్ షాక్‌తో నలుగురు మృతి చెందారు. సంపులో పూడిక తీస్తుండగా విద్యుత్ షాక్ తగిలి నలుగురు అక్కడికక్కడే ప్రాణాలు విడిచారు. మృతుల్లో ఓ రైతుతో పాటు ముగ్గురు కూలీలు ఉన్నట్లు సమాచారం
News February 24, 2025
AP మిర్చికి కేంద్రం మద్దతు ధర
AP: మార్కెట్ ఇంటర్‌వెన్షన్ స్కీం కింద ఏపీ మిర్చికి కేంద్ర ప్రభుత్వం మద్దతు ధర ప్రకటించింది. క్వింటా మిర్చికి రూ.11,781 ధర ఇవ్వాలని ఉత్తర్వులు జారీ చేసింది. ఇటీవల ధర లేదంటూ ఏపీలో రైతులు ఆందోళన చేయగా, సీఎం చంద్రబాబు ఢిల్లీ వెళ్లి కేంద్రానికి దీనిపై ఫిర్యాదు చేశారు. ఆ తర్వాత కేంద్రం మద్దతు ధరపై ఈ ప్రకటన చేసింది. తొలి క్వింటా మిర్చి సేకరణ నుంచి నెల రోజుల పాటు ఈ ఉత్తర్వులు అమల్లో ఉండనున్నాయి.
News February 24, 2025
నాని ‘ది పారడైజ్’ నుంచి అప్డేట్
నేచురల్ స్టార్ నాని హీరోగా శ్రీకాంత్ ఓదెల తెరకెక్కిస్తోన్న ‘ది పారడైజ్’ నుంచి అప్డేట్ వచ్చింది. నాని బర్త్ డే సందర్భంగా ‘RAW STATEMENT’ పేరుతో మార్చి 3న స్పెషల్ వీడియో లేదా ఫొటోను విడుదల చేస్తామని మేకర్స్ ప్రకటించారు. ఈ చిత్రానికి అనిరుధ్ మ్యూజిక్ అందిస్తున్నారు. కాగా, ఇప్పటికే నాని- శ్రీకాంత్ కాంబోలో వచ్చిన ‘దసరా’ సినిమా బ్లాక్ బస్టర్‌గా నిలిచిన విషయం తెలిసిందే.