News March 21, 2024
లద్దాఖ్‌లో నిరసనలు.. 16వ రోజుకు నిరాహార దీక్ష!
కేంద్ర పాలిత ప్రాంతమైన లద్దాక్‌కు రాష్ట్ర హోదా కల్పించాలంటూ కొన్ని రోజులుగా స్థానికులు నిరసన చేస్తున్నారు. ఇందులో భాగంగా ప్రముఖ ఇంజినీర్, సంస్కరణవేత్త సోనమ్ వాంగ్‌చుక్ చేపట్టిన నిరాహార దీక్ష 16వ రోజుకు చేరింది. లద్దాఖ్‌ను రాజ్యాంగంలోని 6వ షెడ్యూల్ (గిరిజన హక్కుల పరిరక్షణ) పరిధిలోకి తేవాలనేది నిరసనకారుల డిమాండ్. కేంద్రంతో గతంలో చర్చలు విఫలం కావడంతో వీరు ఆందోళన కొనసాగిస్తున్నారు.
Similar News
News November 25, 2024
ఉమ్రాన్ మాలిక్ అన్‌సోల్డ్
SRH స్పీడ్‌స్టర్ ఉమ్రాన్ మాలిక్‌కు IPL వేలంలో నిరాశ ఎదురైంది. అతడిని ఏ జట్టూ కొనుగోలు చేయలేదు. మరో పేసర్ జయదేవ్ ఉనద్క‌త్‌ను SRH రూ.కోటి చెల్లించి సొంతం చేసుకుంది. ఇషాంత్ శర్మను గుజరాత్ రూ.75లక్షలకు, నువాన్ తుషారాను బెంగళూరు రూ.1.6 కోట్లకు కొన్నాయి. ఇక ఉమేశ్ యాదవ్, నవీన్ ఉల్ హక్, ముస్తాఫిజుర్ రెహ్మాన్ అన్‌సోల్డ్ అయ్యారు.
News November 25, 2024
సీజ్‌ఫైర్‌కు అంగీక‌రించిన ఇజ్రాయెల్!
లెబ‌నాన్‌లో తాత్కాలికంగా కాల్పుల విర‌మ‌ణ‌కు ఇజ్రాయెల్ అంగీక‌రించిన‌ట్టు తెలుస్తోంది. మరో 2 రోజుల్లో దీనిపై ప్ర‌క‌ట‌న వెలువ‌డ‌నుంది. ఈ ఒప్పందం మేర‌కు హెజ్బొల్లా త‌న బ‌ల‌గాల‌ను లిటాని న‌దికి ఉత్త‌రంగా త‌రలించాలి. ద‌క్షిణ లెబనాన్ నుంచి ఇజ్రాయెల్ ద‌ళాలను ఉప‌సంహ‌రించుకోవాలి. వివాదాస్పద సరిహద్దు ప్రాంతాల విభజనపై ఇజ్రాయెల్-లెబనాన్ మధ్య చర్చలు జ‌రుగుతాయి. ఈ ఒప్పందం అమ‌లును అమెరికా ప‌ర్య‌వేక్షిస్తుంది.
News November 25, 2024
ఢిల్లీకి ‘మహా’ రాజకీయం
మహారాష్ట్ర సీఎం ఎవరనేది ఈ రాత్రికి క్లారిటీ వచ్చేలా కనిపిస్తోంది. దేవేంద్ర ఫడణవీస్ ఇప్పటికే ఢిల్లీకి వెళ్లారు. కాసేపట్లో ఏక్‌నాథ్ శిండే, అజిత్ పవార్ కూడా వెళ్లనున్నారు. వీరు ముగ్గురు బీజేపీ అధిష్ఠానంతో చర్చించనున్నారు. అందులో సీఎం క్యాండిడేట్‌ను నిర్ణయించనున్నారు. కాగా ఇటీవల జరిగిన అసెంబ్లీ ఎన్నికల్లో మహాయుతి కూటమి ఘన విజయం సాధించిన విషయం తెలిసిందే.