News February 26, 2025
సంగారెడ్డి: ఎన్నికల ప్రచారం చేస్తే కఠిన చర్యలు: కలెక్టర్
ఎమ్మెల్సీ ఎన్నికల ప్రచార గడువు ముగిసినందున జిల్లాలో ఎక్కడైనా ప్రచారం చేస్తే కఠిన చర్యలు తీసుకుంటామని కలెక్టర్ వల్లూరు క్రాంతి మంగళవారం తెలిపారు. జిల్లాలో ఎక్కడా కూడా పార్టీ ర్యాలీలు, సభలు, సమావేశాలు నిర్వహించవద్దని పేర్కొన్నారు. బల్క్ ఎస్ఎంఎస్‌లు కూడా పంపవద్దని అన్నారు. ఎన్నికల నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు.
Similar News
News February 26, 2025
నా సినిమాలో నటించినందుకు ఛాన్సులివ్వట్లేదు: సందీప్
డైరెక్టర్ సందీప్ రెడ్డి వంగా బాలీవుడ్ నిర్మాణ సంస్థపై ఫైరయ్యారు. ‘కబీర్ సింగ్‌ సినిమాలో నటించినందుకు ఒక నటుడిని ఓ నిర్మాణ సంస్థ తిరస్కరించిందని తెలిసి ఆశ్చర్యపోయా. అతను ఒక చిన్న పాత్ర పోషించి గుర్తింపు తెచ్చుకున్నాడు. ఆడిషన్ ఇచ్చినందుకు నా సినిమాలో పనిచేసినందుకు తీసుకోవట్లేదని చెప్పడం ఏంటి? వారికి ధైర్యం ఉంటే ఇదే మాట రణ్‌బీర్ కపూర్, త్రిప్తి దిమ్రీ, రష్మికతో చెప్పగలరా?’ అని ప్రశ్నించారు.
News February 26, 2025
ఇలాంటి పాస్‌వర్డ్ ఉంటే హ్యాక్ చేయలేరు!
హ్యాకర్ల నుంచి డేటాను కాపాడుకునేందుకు స్ట్రాంగ్ పాస్‌వర్డ్ పెట్టుకోవాలి. 11 నంబర్స్ లేదా 8 స్మాల్ క్యారెక్టర్స్‌తో ఉన్న పాస్‌వర్డ్‌ను వెంటనే హ్యాక్ చేయొచ్చు. అదే 17 నంబర్స్, 12 స్మాల్ క్యారెక్టర్స్ లేదా 9 నంబర్స్‌తో పాటు స్మాల్ & క్యాపిటల్‌తో సహా చిహ్నాలుంటే రెండ్రోజులు పట్టొచ్చు. 18 సంఖ్యల్లో స్మాల్, క్యాపిటల్ లెటర్స్‌తో పాటు సింబల్స్ ఉంటే దానిని హ్యాక్ చేసేందుకు 4 కోట్ల సంవత్సరాలు పడుతుంది.
News February 26, 2025
వాళ్లిద్దరినీ హిందూ ఓటర్లు బహిష్కరించాలి: కేంద్ర మంత్రి
రాహుల్ గాంధీ, ఉద్ధవ్ ఠాక్రేను హిందూ ఓటర్లు బాయ్ కాట్ చేయాలని కేంద్ర మంత్రి రాందాస్ అథవాలే అన్నారు. వాళ్లిద్దరూ కుంభమేళాకు వెళ్లకుండా హిందూ కమ్యూనిటీని అవమానించారని పేర్కొన్నారు. ‘వారికి హిందువుల ఓట్లు కావాలి. కానీ మహాకుంభమేళాకు మాత్రం రారు. అందుకే హిందూ ఓటర్లు వారిని బహిష్కరించాలి’ అని పేర్కొన్నారు. మహారాష్ట్ర అసెంబ్లీ ఎన్నికల్లో వారికి హిందూ ఓటర్లు ఇప్పటికే గుణపాఠం చెప్పారని అన్నారు.