News March 22, 2024

పెళ్లిలో మటన్ కోసం గొడవ.. తీవ్ర గాయాలు

TG: ఆనందంగా జరుగుతోన్న వివాహ వేడుకలో మటన్ ముక్క చిచ్చుపెట్టింది. జగిత్యాల జిల్లా ఆత్మకూరులో ఈ ఘటన జరిగింది. తమకు మటన్ కూర వేయలేదంటూ పెళ్లి కొడుకు బంధువులు వడ్డిస్తోన్న వారిపై వంట సామగ్రి, టేబుళ్లతో దాడి చేశారు. ఆగ్రహంతో పెళ్లి కూతురు బంధువులు ఎదురుదాడి చేయడంతో ఆ ప్రాంతం రణరంగంగా మారింది. దీంతో పలువురికి తీవ్ర గాయాలయ్యాయి. పోలీసులు 16 మందిపై కేసు నమోదు చేశారు.