News March 5, 2025
NGKL: BSP అసెంబ్లీ స్థాయి సమీక్ష సమావేశం
BSP నాగర్ కర్నూల్ పార్టీ ఆఫీసులో బుధవారం అసెంబ్లీ స్థాయి సమీక్ష సమావేశం నిర్వహించారు. అసెంబ్లీ అధ్యక్షుడు కళ్యాణ్ మాట్లాడుతూ.. వివిధ మండలాల్లో పార్టీ బలోపేతం కొరకు గ్రామ స్థాయి నుంచి అసెంబ్లీ స్థాయి వరకు అందరూ కలిసికట్టుగా పనిచేయాలన్నారు. స్థానిక ఎన్నికల్లో పోటీ చేసి ప్రతి బూత్లో ఏనుగు గుర్తును పరిచయం చేయాలన్నారు. కార్యక్రమంలో హర్ష ముదిరాజ్, నాగేష్, భాస్కర్, రాజు, రామచందర్ తదితరులు పాల్గొన్నారు.
Similar News
News March 23, 2026
‘పాపికొండల్లో…200 రకాల పక్షులున్నాయి’
పాపికొండల అభయారణ్యంలో 200 రకాల పక్షులు ఉన్నాయని, ఇవి ఏ జాతులకు చెందినవో గుర్తించినట్లు ఇందుకూరు అటవీశాఖ రేంజ్ అధికారి కొండలరావు ఆదివారం తెలిపారు. డీఎఫ్ఓ శివ కుమార్ ఆధ్వర్యంలో గత మూడు రోజుల నుంచి అటవీ ప్రాంతంలో ఈ పక్షులపై సర్వే జరిగిందన్నారు. సర్వేకు కర్ణాటక, గుజరాత్, హైదరాబాద్, బెంగళూరు, విశాఖ నుంచి ప్రత్యేక టీంలు వచ్చాయన్నారు. సుమారు 200 రకాల పక్షులు ఉన్నట్లు గుర్తించారన్నారు.
News March 23, 2026
శ్రీశైలం ప్రొటోకాల్ పేరుతో దందా..?
శ్రీశైలంలో వివిధ శాఖల సిబ్బంది ప్రొటోకాల్ పేరుతో దర్శనాల దందా చేస్తున్నారనే ఆరోపణలు వినిపిస్తున్నాయి. సామాన్యులతో పాటు టికెట్ తీసుకున్న భక్తులు అధిక సమయం క్యూలైన్లో వేచి ఉండాల్సి వస్తుండగా.. ప్రొటోకాల్ పేరుతో వచ్చే వారు దర్జాగా దర్శనాలు చేసుకుంటున్నట్లు సమాచారం. ఆలయ ప్రవేశ మార్గం నుంచి గర్భగుడిలో విధులు నిర్వహించే సిబ్బంది వరకు కుమ్మక్కై చేస్తున్న దందాపై EO దృష్టి సారించాలని భక్తులు కోరుతున్నారు.
News March 23, 2026
ఏప్రిల్ 2 నుంచి JEE మెయిన్ సెషన్-2 ఎగ్జామ్స్
JEE మెయిన్-2026 చివరి విడత (సెషన్-2) పరీక్షల షెడ్యూల్ను NTA ప్రకటించింది. ఏప్రిల్ 2 నుంచి 8వ తేదీ వరకు ఈ ఎగ్జామ్స్ జరగనున్నాయి. పరీక్ష కేంద్రం ఏ నగరంలో ఉందో ముందుగానే తెలుసుకునేలా ‘సిటీ ఇంటిమేషన్ స్లిప్స్’ను NTA విడుదల చేసింది. అప్లికేషన్ నంబర్, పాస్వర్డ్, సెక్యూరిటీ పిన్ను ఎంటర్ చేసి వెబ్సైట్ నుంచి ఈ స్లిప్పులను డౌన్లోడ్ చేసుకోవచ్చు. అడ్మిట్ కార్డులు పరీక్షకు కొన్ని రోజుల ముందు వస్తాయి.