News March 6, 2025
HYD: మహిళా సదస్సు ఏర్పాట్లపై CS సమీక్ష
పరేడ్ గ్రౌండ్‌లో ఈ నెల 8న జరగనున్న మహిళా సదస్సు ఏర్పాట్లపై CS శాంతికుమారి సమీక్ష నిర్వహించారు. కార్యక్రమంలో సీఎం మహిళా శక్తి పాలసీ విడుదల చేయనుండగా, మహిళా సమాఖ్యలకు బస్సులను జెండా ఊపి ప్రారంభించనున్నారు. కట్టుదిట్టమైన బందోబస్తు ఏర్పాటు చేయాలని ఆదేశించారు. బస్సుల పార్కింగ్‌ కోసం బైసన్‌పోలో మైదానం సిద్ధం చేయాలని సూచించారు. పారిశుద్ధ్య ఏర్పాట్లు పర్యవేక్షించాలని మున్సిపల్ అధికారులను ఆదేశించారు.
Similar News
News March 6, 2025
19 ఏళ్లకే 400 భాషల్లో ప్రావీణ్యం!
మాతృ భాషతో పాటు మరో రెండు భాషలు రావడమే గొప్ప. కానీ, చెన్నైకి చెందిన 19ఏళ్ల మహ్మద్ అక్రమ్ ఏకంగా 400 భాషలను చదవడం, రాయడం, టైప్ చేయడం నేర్చుకొని ఔరా అనిపించారు. ఈయన 46 భాషల్లో అనర్గళంగా మాట్లాడతారు. తనకు 4 ఏళ్లు ఉన్నప్పటి నుంచే ఇతర భాషలు నేర్చుకోవడం స్టార్ట్ చేసి 8 ఏళ్లకే బహుభాషా టైపిస్ట్‌గా ప్రపంచ రికార్డు సృష్టించారు. వర్క్‌షాప్స్ ఏర్పాటు చేసి చాలా మంది విద్యార్థులకు తన నైపుణ్యాన్ని పంచుతున్నారు.
News March 6, 2025
సుల్తానాబాద్: హరికృష్ణ ఓటమికి ఒక్కటైన అగ్రకుల నేతలు
అగ్రకుల నేతలంతా ఏకమై బీఎస్పీ బలపరిచిన బీసీ నాయకుడు, ఉమ్మడి KNR, MDK, ADB, NZB ఎమ్మెల్సీ అభ్యర్థి ప్రసన్న హరికృష్ణను ఓటమిపాలు చేశారని బీసీ సంక్షేమ సంఘం రాష్ట్ర ఉపాధ్యక్షుడు పడాల రవీందర్ ఆరోపించారు. ఆయన సుల్తానాబాద్‌లో మాట్లాడుతూ.. ఒక సామాన్యుడిని ఓడించేందుకు కాంగ్రెస్, BJP అభ్యర్థులు ఒక్కటై వందలకోట్లు ఖర్చు చేశారని విమర్శించారు. ఇది సీఎం రేవంత్ రెడ్డి కుట్రలో భాగమేనని ఆరోపించారు.
News March 6, 2025
న్యూలుక్‌లో మహేశ్‌బాబు, పృథ్వీరాజ్
దర్శకధీరుడు రాజమౌళి తెరకెక్కిస్తోన్న ‘SSMB29’ షూటింగ్ కోసం సూపర్ స్టార్ మహేశ్‌బాబుతో పాటు పృథ్వీరాజ్ ఒడిశాకు బయల్దేరిన విషయం తెలిసిందే. మహేశ్ లాంగ్ హెయిర్‌తో క్యాప్ ధరించగా, క్లీన్ షేవ్‌లో మీసంతో పృథ్వీ కనిపించారు. దీనికి సంబంధించిన ఫొటోలు వైరలవుతున్నాయి. అయితే, ఈ చిత్రంలో పృథ్వీ విలన్ రోల్‌లో నటిస్తారని వార్తలొస్తున్నాయి.