News March 23, 2024

ఉండి మాజీ ఎమ్మెల్యే శివపై కేసు నమోదు

ఉండి మాజీ ఎమ్మెల్యే వేటుకూరి వెంకట శివరామరాజుపై ఎన్నికల కోడ్ ఉల్లంఘన కింద కేసు నమోదైంది. పాలకోడేరు ఎస్‌ఐ నాళం శ్రీనివాసరావు శుక్రవారం ఈ విషయం వెల్లడించారు. ఈ నెల 20న పాలకోడేరు మండలంలో శివరామరాజు సుమారు 30 వాహనాలతో ఊరేగింపు నిర్వహించారని, అందుకు ముందస్తు అనుమతి తీసుకోలేదని ఎస్సై తెలిపారు. దీనిపై ఫ్లయింగ్‌ స్క్వాడ్‌ ఇచ్చిన సమాచారం మేరకు పాలకోడేరు తహశీల్దార్‌ నాగార్జున పోలీసులకు ఫిర్యాదు చేశారు.