News March 9, 2025

మంథనిలో పులి పాదముద్రల కలకలం

మంథని మండలంలోని ఎగ్లాస్పూర్ – బిట్టుపల్లి గ్రామ శివారులో పెద్దపులి సంచారం కలకలం రేపుతోంది. వారం క్రితం ముత్తారం మండలంలోకి వచ్చినట్లు పులి అడుగులు ఆధారంగా ధ్రువీకరించారు. అప్పుడు మాయమైన పెద్దపులి శనివారం సాయంత్రం మంథని మండలంలోకి ప్రవేశిచిందని, బిట్టుపల్లి గ్రామశివారులో ఓ రైతుకు కనిపించిందని స్థానికులు తెలిపారు. పులికి హాని చేసే ప్రయత్నాలు చేయకూడదని ఫారెస్ట్ అధికారులు తెలిపారు.