News March 10, 2025
హిట్ లిస్టులో ఉన్నవారు అప్రమత్తంగా ఉండాలి: మంప ఎస్ఐ
కొయ్యూరు మండలం మంప పోలీస్ స్టేషన్ పరిధిలో మావోయిస్టుల కదలికలు ఉన్న నేపథ్యంలో, హిట్ లిస్టులో ఉన్న వారు అప్రమత్తంగా ఉండాలని ఎస్ఐ కే.శంకరరావు సూచించారు. ఈమేరకు మావోయిస్టు హిట్ లిస్టులో ఉన్న రాజకీయ నాయకులతో పాటు పలువురికి నోటీసులు జారీ చేశారు. వారిని మైదాన ప్రాంతాలకు వెళ్లాల్సిందిగా సూచిస్తున్నారు. వారు మారుమూల గ్రామాలకు వెళ్లాల్సి వస్తే తప్పక సమాచారం అందించాలని కోరారు.
Similar News
News March 14, 2026
వనపర్తిలో టెన్త్ పరీక్షలకు 7,212 మంది విద్యార్థులు
వనపర్తి జిల్లాలో పదో తరగతి పరీక్షలకు అధికారులు సర్వం సిద్ధం చేశారు. జిల్లావ్యాప్తంగా 37 కేంద్రాల్లో (25 ప్రభుత్వ, 12 ప్రైవేట్) మొత్తం 7,212 మంది విద్యార్థులు పరీక్షలు రాయనున్నారు. నిర్ణీత సమయానికి అరగంట ముందే చేరుకోవాలని, విద్యార్థుల భవిష్యత్తును దృష్టిలో ఉంచుకుని 5 నిమిషాల ఆలస్యమైనా అనుమతిస్తామని అధికారులు స్పష్టం చేశారు.
News March 14, 2026
విశాఖలో మరో IT పార్క్.. 30వేల జాబ్స్!
AP: విశాఖ మధురవాడ(రుషికొండ) ఐటీ హిల్స్లో గ్రేడ్-1 ఐటీ పార్క్ రానుంది. విశాఖ రియాలిటీ ప్రైవేట్ లిమిటెడ్ సంస్థకు హిల్-3 వెనుక ప్రభుత్వం 30 ఎకరాలు కేటాయించింది. ఈ కంపెనీ 3 దశల్లో రూ.2,200కోట్ల పెట్టుబడులు పెట్టనుండగా, దాదాపు 30,000 మందికి ఉద్యోగావకాశాలు రానున్నట్లు సమాచారం. 30లక్షల చ.అ విస్తీర్ణంలో భవనాలు నిర్మించనున్నారు. ఇక అమరావతిలో రూ.300కోట్ల పెట్టుబడితో ‘జేవియర్’ క్యాంపస్ ఏర్పాటు కానుంది.
News March 14, 2026
ప.గో: మహిళపై లైంగిక వేధింపులు.. మూడేళ్ల జైలు
జంగారెడ్డిగూడెం మండలంలోని ఓ జీడిపప్పు ఫ్యాక్టరీలో పనిచేస్తున్న మహిళపై లైంగిక వేధింపులకు పాల్పడిన కేసులో నిందితుడు ఉండ్రాజవరపు శివకు మూడేళ్ల జైలు శిక్ష పడింది. గతేడాది జులైలో జరిగిన ఈ ఘటనపై విచారణ చేపట్టిన న్యాయమూర్తి ఆర్పీవీఎస్ మురళీకృష్ణ.. నేరం రుజువు కావడంతో నిందితుడికి శిక్షతో పాటు రూ. 6 వేల జరిమానా విధించారు. జరిమానా చెల్లించకపోతే మరో నెల జైలు శిక్ష అనుభవించాలని తీర్పునిచ్చారు.