News March 10, 2025
వరంగల్ జిల్లాలో ప్రమాదకరంగా SRSP
తీగరాజుపల్లి వద్ద గల SRSP కాలువలో పడి మేచరాజుపల్లికి చెందిన ముగ్గురు శనివారం మృతి చెందిన విషయం తెలిసిందే. ఇదే తరహా ఘటన జరగడం రెండోసారి కావడంతో జిల్లా ప్రజలు భయపడుతున్నారు. జిల్లాలోని అక్కడక్కడ SRSP కాలువ పక్కన గల రహదారులు ప్రమాదకరంగా ఉన్నాయని ప్రయాణికులు,స్థానికులు చెబుతున్నారు. బిక్కుబిక్కుమంటూ ప్రయాణిస్తున్నామని, ఇలాంటి ప్రమాదాలు పునరావృతం కాకుండా అధికారులు చర్యలు చేపట్టాలని కోరుతున్నారు.
Similar News
News March 19, 2026
IPL పేరుపై వివాదం.. కేరళ హైకోర్టు ఏం చెప్పిందంటే?
ఇండియన్ ప్రీమియర్ లీగ్(IPL) పేరును BCCI ఉపయోగించడాన్ని సవాల్ చేస్తూ దాఖలైన పిల్ను కేరళ హైకోర్టు ఇటీవల కొట్టేసింది. IPL అధికారిక నేషనల్ టోర్నమెంట్ కాదని, అందువల్ల ‘ఇండియన్’ పదాన్ని వాడొద్దని పిటిషనర్ అషిక్ కరోత్ వాదించారు. కొన్నేళ్లుగా IPL జరుగుతున్నప్పటికీ ‘ఇండియన్’ పదం గురించి పిటిషనర్ ఆలస్యంగా గ్రహించారని, ఇది కోర్టు పరిధిలోకి రాదని న్యాయమూర్తి స్పష్టం చేశారు.
News March 19, 2026
కాకినాడ: పులి.. ఇప్పుడు ఏ ప్రాంతంలో ఉందంటే?
నిన్నటివరకు కాకినాడ జిల్లాలోని పలు ప్రాంతాల్లో సంచరించిన పెద్దపులి బుధవారం రాత్రి పోలవరం జిల్లాలోకి ప్రవేశించినట్లు అధికారులు నిర్ధారించారు. రాజవొమ్మంగి మండలంలోని కొండ లింగంపర్తి, కొత్తపల్లి గ్రామాల సమీపంలో అటవీప్రాంతంలో బుధవారం రాత్రి పులి సంచరించినట్లు అధికారులు నిర్ధారించారు. ప్రస్తుతం పులి బోర్నగూడెం సమీపంలో ఉన్నట్లు తెలుస్తోంది.
News March 19, 2026
విశాఖ: స్టీల్ ప్లాంట్కు ఊరట.. ఎల్పీజీ సరఫరా పునఃప్రారంభం
వైజాగ్ స్టీల్ ప్లాంట్కు ఎల్పీజీ సరఫరా తిరిగి ప్రారంభమైంది. వారం రోజుల అంతరాయంతో ఉత్పత్తిపై ఆందోళన నెలకొంది. స్టీల్ మెల్టింగ్ షాప్లో కంటిన్యూస్ కాస్టింగ్ మెషీన్స్ (CCM)లకు రోజుకు 12-13 టన్నుల ఎల్పీజీ అవసరం. ప్లాంట్లోని 325 టన్నుల సామర్థ్యం ఉన్న ట్యాంకుల్లో నిల్వలు 75 టన్నులకు తగ్గాయి. యాజమాన్యం, యూనియన్ల ఒత్తిడితో ఇండియన్ ఆయిల్ కార్పొరేషన్ సరఫరా నిన్నటి నుంచి పునఃప్రారంభం అయ్యింది.