News March 23, 2024
కవితకు మరో షాక్!
ఈడీ కస్టడీలో ఉన్న ఎమ్మెల్సీ కవితకు మరో షాక్ తగలనున్నట్లు తెలుస్తోంది. ఆమె కస్టడీని కోర్టు పొడిగించే అవకాశం ఉన్నట్లు సమాచారం. నేటితో కవిత కస్టడీ ముగియగా.. కాసేపట్లో ఆమెను ఈడీ ఢిల్లీ రౌస్ అవెన్యూ కోర్టులో హాజరుపర్చనుంది. కవితకు మరో 3 రోజులు కస్టడీని పొడిగించాలని కోరే అవకాశం ఉంది. ఢిల్లీ సీఎం కేజ్రీవాల్‌ను కూడా అరెస్ట్ చేయడంతో వీరిద్దరినీ కలిపి విచారించాలని ఈడీ భావిస్తోంది.
Similar News
News October 2, 2024
రాహుల్, ప్రియాంక.. మీ మంత్రుల మాటలు వినండి: BRS
KTRపై మంత్రి సురేఖ వ్యాఖ్యలు జుగుప్సాకరమని BRS స్పందించింది. ‘రాజ్యాంగం, ప్ర‌జాస్వామ్యం గురించి మాట్లాడే రాహుల్, ప్రియాంకా గాంధీ.. మీ పార్టీ నేతల మాటలు వినండి. వాళ్లు మహిళలు, ప్రముఖుల వ్యక్తిగత జీవితాలను పబ్లిక్‌లోకి లాగుతున్నారు. రాజ్యాంగం గురించి, దాని విలువల గురించి బోధించే నైతిక హక్కు కాంగ్రెస్ పార్టీకి లేదు. అనాలోచిత వ్యాఖ్యలతో మీ పార్టీకి సమాధి తవ్వుతున్నారు’ అని ట్వీట్ చేసింది.
News October 2, 2024
మేం పనిగట్టుకొని సినిమా వాళ్ల గురించి మాట్లాడలేదు: మంత్రి సీతక్క
TG: తామేమీ పనిగట్టుకొని సినిమా వాళ్ల గురించి మాట్లాడలేదని మంత్రి సీతక్క అన్నారు. సందర్భాన్ని బట్టి కొంతమంది సినీ ప్రముఖులపై మాత్రమే మాట్లాడామని మంత్రి కొండా సురేఖ వ్యాఖ్యలను ఉద్దేశిస్తూ అన్నారు. తాము సినీ నటులకు వ్యతిరేకం కాదని, వాళ్లను ద్వేషించడం లేదని స్పష్టం చేశారు. KTR తమను శిఖండి అని ఎలా అంటారని ఆమె ప్రశ్నించారు. తమ నోళ్లను పినాయిల్‌తో కడగాలన్న KTR నోటినే యాసిడ్‌తో కడగాలని ధ్వజమెత్తారు.
News October 2, 2024
ఫోన్ల ధరలు పెరిగే ఛాన్స్!
ప్రపంచవ్యాప్తంగా సెల్‌ఫోన్లు, ల్యాప్‌టాప్స్ లాంటి ఎలక్ట్రానిక్ వస్తువులతో పాటు ఎలక్ట్రిక్ స్కూటర్ల ధరలు పెరిగే ఛాన్స్ ఉంది. అమెరికాలోని నార్త్ కరోలినాలో హెలెన్ హరికేన్ కారణంగా క్వార్ట్జ్ ఉత్పత్తి ఆగిపోయింది. బ్రెజిల్, రష్యాల్లో క్వార్ట్జ్ లభించినా.. సెమీకండక్టర్లలో ఉపయోగించే నాణ్యమైన క్వార్ట్జ్ నార్త్ కరోలినాలోనే దొరుకుతుంది. వరదల కారణంగా విద్యుత్ సరఫరా, రవాణా ఆగిపోవడంతో సప్లై చైన్ తెగిపోయింది.