News March 11, 2025

అనర్హులకు ఇళ్లు మంజూరైతే రద్దు చేస్తాం: పొంగులేటి

TG: గ్రామసభల్లో వచ్చిన ఇందిరమ్మ ఇళ్ల దరఖాస్తులను వెంటనే పరిశీలించి అర్హులను ఎంపిక చేయాలని మంత్రి పొంగులేటి అధికారులను ఆదేశించారు. మొదటి విడతలో ఎదురైన సమస్యలను పరిగణనలోకి తీసుకొని ప్రక్రియ చేపట్టాలన్నారు. అనర్హులకు ఇళ్లు మంజూరైనట్లు గుర్తిస్తే వాటి నిర్మాణం ఏ దశలో ఉన్నా రద్దు చేస్తామని హెచ్చరించారు. అర్హులకే ఇళ్లు అందాలని, అందుకు క్షేత్రస్థాయిలో తగిన చర్యలు తీసుకోవాలని మంత్రి సూచించారు.