News March 11, 2025
నేడు బీఆర్ఎస్ శాసనసభాపక్షం భేటీ
TG: తెలంగాణ భవన్‌లో KCR అధ్యక్షతన ఇవాళ BRS శాసనసభాపక్షం భేటీ కానుంది. బడ్జెట్ సమావేశాలు, ఎమ్మెల్సీ ఎన్నికల్లో అనుసరించాల్సిన వ్యూహంపై పార్టీ ప్రజాప్రతినిధులకు KCR దిశానిర్దేశం చేయనున్నారు. ప్రజలు, రైతులు ఎదుర్కొంటున్న సమస్యలను సభ దృష్టికి తీసుకెళ్లడంపై మార్గనిర్దేశం చేయనున్నారు. బడ్జెట్ సమావేశాలు రేపటి నుంచి ప్రారంభం కానున్నాయి. 17 లేదా 19న ప్రభుత్వం బడ్జెట్‌ను ప్రవేశపెట్టే అవకాశం ఉంది.
Similar News
News March 12, 2025
కార్తిక్ ఆర్యన్, శ్రీలీల డేటింగ్ రూమర్స్‌పై క్రేజీ న్యూస్
బాలీవుడ్ హీరో కార్తిక్ ఆర్యన్‌తో నటి శ్రీలీల డేటింగ్ చేస్తున్నారనే ప్రచారం నేపథ్యంలో హీరో తల్లి మాలా తివారీ వ్యాఖ్యలు వైరల్ అయ్యాయి. ఈ ప్రచారాన్ని నిజం చేస్తూ మంచి డాక్టర్‌ను కోడలిగా చేసుకోవాలని ఉందని ఆమె అన్నారు. శ్రీలీల మెడిసిన్ చేస్తున్న నేపథ్యంలో తాజా వ్యాఖ్యలు వీరిద్దరి డేటింగ్ వార్తలకు బలం చేకూరుస్తున్నాయి. బాలీవుడ్‌లోకి ఎంట్రీ ఇస్తున్న శ్రీలీల.. కార్తిక్ ఆర్యన్‌తో ఓ మూవీలో నటిస్తున్నారు
News March 12, 2025
చీఫ్ సైంటిస్టుపై వేటువేసిన NASA
అమెరికా ప్రెసిడెంట్ డొనాల్డ్ ట్రంప్ ఆదేశాల మేరకు చీఫ్ సైంటిస్టు కేథరిన్ కాల్విన్ సహా మరికొందరిపై NASA వేటువేసింది. వాతావరణ మార్పుల పరిశోధన విభాగంలో ఆమె కీలకంగా పనిచేస్తున్నారు. పారిస్ క్లైమేట్ ఒప్పందం నుంచి అమెరికా తప్పుకోవడంతో ఈ కోతలు మొదలయ్యాయి. ఇప్పటి వరకు 23 మందిని తొలగించగా మున్ముందు మరింత మందిపై వేటు పడుతుందని NASA పేర్కొంది. MAR 10న కొందరు ఉద్యోగులకు దీనిపై నోటిఫికేషన్ రావడం గమనార్హం.
News March 12, 2025
సీఐడీ విచారణకు హాజరైన విజయసాయి రెడ్డి
AP: మాజీ ఎంపీ విజయసాయి రెడ్డి విజయవాడ సీఐడీ కార్యాలయంలో విచారణకు హాజరయ్యారు. కాకినాడ పోర్ట్ వ్యవహారంలో విచారణకు రావాలని ఆయనకు సీఐడీ నోటీసులు ఇచ్చిన సంగతి తెలిసిందే. అక్రమంగా పోర్ట్ వాటాలు బదిలీ చేయించుకున్నారని VSRపై కేవీ రావు సీఐడీకి ఫిర్యాదు చేయడంతో కేసు నమోదైంది.