News March 12, 2025
KMR: బడ్జెట్ సమావేశాలు.. ఈ పనులపై గళం విప్పాలి!
అసెంబ్లీ సమావేశాలు ఇవాళ్టి నుంచి ప్రారంభమవుతున్నాయి. ఈ నేపథ్యంలో కామారెడ్డి జిల్లాలోని ఎమ్మెల్యేలు గళం విప్పి పలు పనులకు సంబంధించి నిధులు తెస్తారని ప్రజలు గంపెడాశతో ఎదురుచూస్తున్నారు. నాగమడుగు ఎత్తిపోతల పథకం పనులు నత్త నడకన సాగుతున్నాయి. మహారాష్ట్ర, కామారెడ్డి జిల్లాకు సరిహద్దులో ఉన్న లెండి ప్రాజెక్టు నిధుల గ్రహణం వీడడం లేదు. కాళేశ్వరం ప్యాకేజీ 22కు నిధుల గండం. ఏం చేస్తారో చూడాలి మరి..!
Similar News
News March 12, 2025
జగిత్యాల: రుణ లక్ష్యాలను సాధించేందుకు బ్యాంకర్లు సహకరించాలి: అదనపు కలెక్టర్
రుణ లక్ష్యాలను సాధించేందుకు బ్యాంకర్లు సహకరించాలని అడిషనల్ కలెక్టర్ బీఎస్.లత అన్నారు. జగిత్యాల కలెక్టరేట్‌లో బుధవారం నిర్వహించిన జిల్లా సమన్వయ కమిటీ (DCC) త్రైమాసిక సమీక్షా సమావేశoలో ఆమె మాట్లాడారు. జిల్లా బ్యాంకింగ్ రంగ ప్రగతిని సమీక్షించడంతోపాటు ప్రాధాన్యత రంగాలకు రుణాలు అందుబాటు, వార్షిక క్రెడిట్ ప్లాన్ అమలు తదితర అంశాలపై చర్చించారు. లీడ్ బ్యాంకు మేనేజర్ రామ్ కుమార్ తదితర అధికారులున్నారు.
News March 12, 2025
ఎల్లుండి మద్యం షాపులు బంద్
హైదరాబాద్ వ్యాప్తంగా ఈ నెల 14న మద్యం షాపులు బంద్ కానున్నాయి. హోలీ పండుగ సందర్భంగా ఆ రోజు ఉదయం 6 గంటల నుంచి సాయంత్రం 6 గంటల వరకు షాపులు మూసివేయాలని పోలీస్ శాఖ వెల్లడించింది. మద్యం సేవించి బహిరంగ ప్రదేశాల్లో ఎవరైనా గొడవలు సృష్టిస్తే కఠిన చర్యలు తీసుకుంటామని హెచ్చరించారు. రోడ్డుపై వెళ్లే వారిపై రంగులు చల్లొద్దని, గుంపులుగా ర్యాలీలు నిర్వహించొద్దని పోలీసులు ఆదేశించారు.
News March 12, 2025
పుంగనూరు: రేపు శ్రీవారి కల్యాణోత్సవం
పుంగనూరు పట్టణంలోని శ్రీకళ్యాణ వెంకటేశ్వరస్వామి వార్షిక బ్రహ్మోత్సవాలలో భాగంగా గురువారం శ్రీవారికి కళ్యాణోత్సవం నిర్వహిస్తున్నట్లు ఆలయ ఇన్స్పెక్టర్ మునీంద్రబాబు ఒక ప్రకటనలో తెలిపారు. సాయంత్రం గజవాహనంపై ఉత్సవ విగ్రహాలను పురవీధుల్లో ఊరేగిస్తామన్నారు. భక్తులు పాల్గొనాలని కోరారు.