News March 13, 2025
వికారాబాద్: అంగన్వాడీ కేంద్రాల్లో పోస్టులు.. ఇంటర్ తప్పనిసరి
అంగన్వాడీ కేంద్రాల్లో ఖాళీగా ఉన్న పోస్టులను భర్తీ చేసేందుకు ప్రభుత్వం చర్యలు చేపట్టింది. ఇందులో భాగంగా వికారాబాద్ జిల్లాలో 287 ఉద్యోగాలను భర్తీ చేయనున్నారు. అందులో 238 హెల్పర్ పోస్టులు, 49 టీచర్ పోస్టులు ఖాళీగా ఉన్నట్లు అధికారులు వెల్లడించారు. ఈసారి టీచర్ పోస్టుకు ఇంటర్ అర్హత తప్పనిసరిగా చేశారు. ప్రభుత్వం త్వరలోనే నోటిఫికేషన్ జారీ చేసేందుకు సిద్ధంగా ఉంది.
Similar News
News April 16, 2026
పెద్దపల్లి: ‘100% లక్ష్యాల సాధనకు కృషి చేయాలి’
జిల్లాలో సెర్ప్ సిబ్బంది 100% లక్ష్యాలు సాధించడంలో కృషి చేయాలని కలెక్టర్ శ్రీహర్ష సూచించారు. గురువారం ఆయన సర్ఫ్ కార్యకలాపాలపై సంబంధిత అధికారులతో సమీక్ష నిర్వహించారు. ఆర్థిక సంవత్సరం బ్యాంకు లింకేజీ కార్యక్రమంలో జిల్లాను అగ్రస్థానంలో నిలిపినందుకు అభినందించారు. ఇదే స్ఫూర్తితో ప్రస్తుత సంవత్సరంలో కూడా బ్యాంకు లింకేజీ, స్త్రీనిధి రుణాల పంపిణీ, రికవరీలో జిల్లాను ముందు ఉంచాలని సూచించారు.
News April 16, 2026
INDలో పెరుగుతున్న ‘స్లీప్ షేమింగ్’.. ఏంటిది?
తక్కువ నిద్రపోవడాన్ని గొప్పగా, ఎక్కువ పోతే సోమరితనంగా భావించే అలవాటు భారతీయుల్లో పెరిగిపోతోందని నిపుణులు అభిప్రాయపడ్డారు. దీన్నే ‘స్లీప్ షేమింగ్’ అంటారు. కష్టపడి పనిచేయడం అంటే నిద్రను త్యాగం చేయడమేనన్న తప్పుడు ఆలోచన వల్ల చాలామంది ఒత్తిడికి గురవుతున్నారన్నారు. అయితే సరిగ్గా నిద్రపోతేనే ఆరోగ్యం, పనిలో వేగం పెరుగుతాయని సూచిస్తున్నారు. తగినంత విశ్రాంతి తీసుకోవడం ఆరోగ్యానికి ఎంతో అవసరమంటున్నారు.
News April 16, 2026
NZB: నేరాల నియంత్రణ, రోడ్డు భద్రతపై సీపీ సమీక్ష
నిజామాబాద్ పోలీస్ కమిషనర్ సాయి చైతన్య కమిషనరేట్ పరిధిలోని పోలీస్ అధికారులతో సమీక్ష నిర్వహించారు. పెండింగ్లో ఉన్న కేసుల పరిష్కారం, సైబర్ నేరాల కట్టడి, రోడ్డు ప్రమాదాల నివారణే లక్ష్యంగా అధికారులకు పలు ఆదేశాలు జారీ చేశారు. ‘అరెవ్ అలైవ్’ కార్యక్రమాన్ని క్షేత్రస్థాయిలో కచ్చితంగా అమలు చేయాలని సీపీ స్పష్టం చేశారు. అదనపు డీసీపీ జి.బస్వా రెడ్డి, ఏసీపీలు పాల్గొన్నారు.