News March 16, 2025
హుజూర్నగర్లో నలుగురు నకిలీ ఎస్ఐలు అరెస్ట్
నలుగురు యువకులు గోల్డ్ షాప్ యజమానిని బెదిరించిన ఘటన HNRలో జరిగింది. పోలీసుల వివరాలు.. NLG జిల్లా నిడమనూరుకు చెందిన ప్రశాంత్, అక్షిత్, NLGకు చెందిన ఇరాన్, వాజిద్ APలోని కుప్పం SI డీపీని పెట్టుకున్నారు. HNRలో గోల్డ్ షాపు యజమానికి కాల్ చేసి నువ్వు దొంగల నుంచి గోల్డ్ కొన్నావు, జైలుకు పంపుతామని బెదిరించగా అతను భయపడి రూ.10 వేలు పంపాడు. అనుమానం వచ్చి ఫిర్యాదు చేయగా పోలీసులు నిందితులను పట్టుకున్నారు.
Similar News
News March 14, 2026
KNR: ట్రాఫిక్ నిబంధనల ఉల్లంఘన.. వినూత్న శిక్ష
కరీంనగర్లో మద్యం సేవించి వాహనం నడిపి పట్టుబడిన మంకమ్మతోటకు చెందిన టి.శేఖర్కు కోర్టు వినూత్న శిక్ష విధించింది. రూ.6 వేల జరిమానా చెల్లించకపోవడంతో, రెండో తరగతి ప్రత్యేక మేజిస్ట్రేట్ డాక్టర్ ఈదుల లక్ష్మి ఈ తీర్పునిచ్చారు. దీని ప్రకారం నిందితుడు మార్చి 13 నుంచి ఏడు రోజుల పాటు పోలీసుల పర్యవేక్షణలో సామాజిక సేవ చేయాల్సి ఉంటుంది. నిబంధనలు అతిక్రమిస్తే కఠిన చర్యలు తప్పవని సీపీ హెచ్చరించారు.
News March 14, 2026
గ్యాస్, యూరియా కొరత లేదు: వికారాబాద్ కలెక్టర్
వికారాబాద్ జిల్లాలో వంట గ్యాస్, యూరియా కొరత ఉందన్న ప్రచారంలో ఎలాంటి వాస్తవం లేదని జిల్లా కలెక్టర్ దీపక్ తివారి స్పష్టం చేశారు. శుక్రవారం కలెక్టరేట్లో నిర్వహించిన సమీక్షా సమావేశంలో ఆయన మాట్లాడారు. ప్రజలు అపోహలను నమ్మి ఆందోళన చెందవద్దని కోరారు. జిల్లాలో సరిపడా నిల్వలు ఉన్నాయని, సరఫరా సజావుగా సాగేలా చూడాలని అధికారులను ఆదేశించారు. తప్పుడు ప్రచారాలను అరికట్టి, ప్రజలకు వాస్తవాలను వివరించాలని సూచించారు.
News March 14, 2026
MBNR: యువతకు పీయూలో ఉచిత శిక్షణ
పాలమూరు యూనివర్సిటీలో యువతకు ఉచిత శిక్షణ ఇచ్చేందుకు ఓ రెండు ఫౌండేషన్లు ముందుకొచ్చాయి. ఫౌండేషన్ ప్రతినిధులు శుక్రవారం వీసీ ప్రొఫెసర్ జి.ఎన్. శ్రీనివాస్ను కలిసి ఈ విషయంపై చర్చించారు. యువతకు లైఫ్ స్కిల్స్, స్పోకెన్ ఇంగ్లీష్, కంప్యూటర్స్, ఎంబ్రాయిడరీ వంటి కోర్సుల్లో శిక్షణ ఇవ్వనున్నట్లు తెలిపారు. ఈ కార్యక్రమంలో రిజిస్ట్రార్ రమేశ్ బాబు తదితరులు పాల్గొన్నారు.