News March 18, 2025
కామారెడ్డి: కోతి కల్లు తాగితే..!
ముందే కోతి.. ఆపై కల్లు తాగితే.. అనే సామెత నిజమనిపిస్తోంది ఈ చిత్రం చూస్తే.. కామారెడ్డి జిల్లా కేంద్రంలో ఒక చెట్టు వద్ద చెట్టు నుంచి కల్లు దింపిన గౌడన్న కింద మోటార్ సైకిల్‌కు కల్లు బిందెను ఉంచి మరో చెట్టు పైకి కల్లు కోసం వెళ్లగా ఇదే అదనుగా చూసిన కోతి కల్లును ఎంచక్కా తాగింది. అనంతరం నెమ్మదిగా జారుకుంది. ఇది చూసిన కొందరు ముందే కోతి.. ఆపై కల్లు తాగింది.. ఇప్పుడెలా అంటూ చర్చించుకున్నారు.
Similar News
News July 10, 2025
ఎన్నికల ప్రక్రియలో బీఎల్‌వో‌ల పాత్ర కీలకం: ఆర్వో
ప్రపంచంలోనే అతి పెద్ద ప్రజాస్వామ్య దేశమైన మనదేశంలో ఎన్నికల ప్రక్రియలో బీఎల్‌వో‌ల పాత్ర కీలకమైందని కర్నూలు నియోజకవర్గ రిటర్నింగ్ అధికారి, నగరపాలక కమిషనర్ రవీంద్ర బాబు అన్నారు. బుధవారం ఎస్బీఐ కాలనీలోని నగరపాలక సమావేశ భవనంలో బీఎల్‌లోలకు శిక్షణా కార్యక్రమాన్ని ప్రారంభించారు. ఎన్నికల సమయంలో బీఎల్‌వోలు అప్రమత్తంగా ఉండాలని సూచించారు. బీఎల్ఓకు 6 రోజులు శిక్షణ ఉంటుందన్నారు.
News July 10, 2025
కనిగిరి: జనసేనలో చేరిన దేవకి వెంకటేశ్వర్లు
కనిగిరికి చెందిన జాతీయ వాసవి సత్ర సముదాయాల ఛైర్మన్ దేవకి వెంకటేశ్వర్లు బుధవారం జనసేన పార్టీ అధినేత పవన్ కళ్యాణ్ సమక్షంలో జనసేనలో చేరారు. వెంకటేశ్వర్లకు పార్టీ కండువా కప్పి సాదరంగా పార్టీలోకి ఆహ్వానించారు. ఆయనతోపాటు మరి కొంతమంది ఆర్యవైశ్య ప్రముఖులు జనసేన పార్టీ తీర్థం పుచ్చుకున్నారు. ఇటీవల వైసీపీకి వెంకటేశ్వర్లు రాజీనామా చేసిన విషయం తెలిసిందే.
News July 10, 2025
బంగారు కుటుంబాలను దత్తత తీసుకునే మార్గదర్శిలను గుర్తించాలి: కలెక్టర్
జిల్లాలో గుర్తించిన బంగారు కుటుంబాలను దత్తత తీసుకునేందుకు మార్గదర్శిల ఎంపిక ప్రక్రియ త్వరగా పూర్తి చేయాలని సంబంధిత అధికారులను కలెక్టర్ రాజకుమారి ఆదేశించారు. జిల్లాలో వివిధ రంగాలలో సంపద సృష్టించేందుకు అనేక వనరులు ఉన్నాయన్నారు. వీటిని వినియోగించుకొని సంపద సృష్టించే ప్రక్రియ వేగవంతం చేయాలన్నారు. నియోజకవర్గాల స్పెషల్ ఆఫీసర్లు వారి ప్రాంతంలో ఉండే వనరులు ఎలా సంపాద సృష్టించాలనే అంశంపై వివరించారు.