News March 18, 2025
టైమ్ బ్యాంక్ కాన్సెప్ట్‌తో ఒంట‌రిత‌నం దూరం: కలెక్టర్
టైమ్ బ్యాంక్ ఆఫ్ ఇండియా కాన్సెప్ట్ ద్వారా వ‌యోవృద్ధుల‌కు ఒంట‌రిత‌నం పోతుంద‌ని, అవ‌స‌రమైన స‌మ‌యంలో తోడు దొరుకుతుంద‌ని జిల్లా కలెక్టర్ ఎం.ఎన్. హరేంధిర ప్ర‌సాద్ పేర్కొన్నారు. మంగళవారం టైమ్ బ్యాంక్ నిర్వహించిన సెమినార్లో కలెక్టర్ మాట్లాడారు. వ‌యోవృద్ధుల‌కు టైమ్ బ్యాంక్ ఆఫ్ ఇండియా స‌హాయకులు అండ‌గా నిలుస్తార‌న్నారు. వ‌యో వృద్ధుల సంక్షేమానికి రాష్ట్ర ప్ర‌భుత్వం విభిన్న రీతిలో కృషి చేస్తోంద‌న్నారు.
Similar News
News September 14, 2025
సృష్టి కేసులో విశాఖలో సిట్ తనిఖీలు
తెలుగు రాష్ట్రాల్లో సృష్టించిన సృష్టి కేసులో విశాఖలోని 2 చోట్ల సిట్ అధికారులు, తెలంగాణ సిట్ బృందం
తనిఖీలు చేపట్టారు. నగరంలోని సృష్టి కార్యాలయం, ఆసుపత్రిలో రాత్రి 12:00 వరకు తనిఖీలు కొనసాగాయి. జిల్లా వైద్య అధికారుల నుంచి పూర్తి సమాచారం సేకరించి తనిఖీలు చేపట్టగా విలువైన డాక్యుమెంట్లు స్వాధీనం చేసుకున్నారు. ఇప్పటికే ఈ కేసులో కేజీహెచ్ డాక్టర్లు ముగ్గురు సస్పెండ్ కాగా మిగతావారి పాత్ర తేలాల్సి ఉంది.
News September 13, 2025
విశాఖ చేరుకున్న జేపీ నడ్డా
విశాఖపట్నం ఎయిర్‌పోర్ట్‌లో జగత్ ప్రకాష్ నడ్డాకు శనివారం ఘన స్వాగతం లభించింది. రేపు జరగనున్న సారథ్యం బహిరంగ సభలో పాల్గొనడానికి ఆయన నగరానికి చేరుకున్నారు. రాష్ట్ర అధ్యక్షుడు పీవీఎన్ మాధవ్, మంత్రి సత్యకుమార్ యాదవ్‌తో కలిసి అనకాపల్లి ఎంపీ సీఎం.రమేశ్ పుష్పగుచ్ఛం అందజేసి ఆత్మీయంగా స్వాగతం పలికారు.
News September 13, 2025
విశాఖ: లోక్ అదాలత్‌లో పెద్ద సంఖ్యలో కేసుల పరిష్కారం
విశాఖ జిల్లాలో నిర్వహించిన జాతీయ లోక్ అదాలత్‌లో 124 మోటార్ ప్రమాద కేసులు పరిష్కరించారు. నష్టపరిహారం రూ.4,40,04750 అందజేశారు. 155 సివిల్ కేసులు, 10,190 క్రిమినల్ కేసులు, 239 ప్రీ లిటిగేషన్ కేసులు రాజీ చేశారు. రాజీ మొత్తం రూ.25 కోట్లుగా చెప్పారు. జిల్లా న్యాయ సేవాధికార సంస్థ అధ్యక్షుడు చిన్నంశెట్టి రాజు లోక్ అదాలత్‌ని పర్యవేక్షించారు.