News March 18, 2025
NRPT: సమస్యలపై అసెంబ్లీలో గళమెత్తిన ఎమ్మెల్యే
నారాయణపేట నియోజకవర్గంలో నెలకొన్న సమస్యలపై ఎమ్మెల్యే చిట్టెం పర్ణికారెడ్డి మంగళవారం అసెంబ్లీలో మాట్లాడారు. కోయిలకొండలో బీసీ వెల్ఫేర్ రెసిడెన్షియల్ పాఠశాలకు, దన్వాడ మండల కేంద్రంలో డిగ్రీ కళాశాలకు నూతన భవనం మంజూరు చేయాలని కోరారు. మరికల్‌కు జూనియర్ కలశాల శాంక్షన్ చేయాలని చెప్పారు. నారాయణపేట పట్టణంలోని మైనారిటీ గురుకుల పాఠశాల, కళాశాలకు, అభ్యసన ఉన్నత పాఠశాలకు నూతన భవనాలు మంజూరు చేయాలని అన్నారు.
Similar News
News November 4, 2025
రాజన్న ఆలయ ఓపెన్ స్లాబ్‌లో క్యూలైన్ల తొలగింపు
వేములవాడ శ్రీ రాజరాజేశ్వర స్వామి వారి దేవస్థానంలోని ఓపెన్ స్లాబ్ ప్రాంగణంలో ఉన్న క్యూలైన్లను ఆలయ అధికారులు తొలగిస్తున్నారు. ఓపెన్ స్లాబ్ ప్రాంగణంలో కోడె మొక్కుల కోసం జిగ్ జాగ్ వరుసలతో కూడిన పెద్ద క్యూ లైన్ ఉంది. దీంతోపాటు ప్రసాదాల కోసం, పూజా టికెట్ల విక్రయం కోసం ప్రత్యేక కౌంటర్లు ఉన్నాయి. ఆలయ అభివృద్ధి పనులలో భాగంగా ఓపెన్ స్లాబ్ మొత్తం కూల్చివేయనున్నారు. దీంతో మొత్తం క్యూలైన్లను తొలగిస్తున్నారు.
News November 4, 2025
కొండారెడ్డిపల్లిలో అత్యధిక వర్షపాతం నమోదు
NGKL జిల్లాలో గడిచిన 24 గంటల్లో వివిధ ప్రాంతాలో వర్షం కురిసింది. అత్యధికంగా బల్మూరు మండలం కొండారెడ్డిపల్లిలో 36.5 మి.మీ వర్షపాతం నమోదైంది. కల్వకుర్తి 31.0, కిష్టంపల్లి 22.5, ఎల్లికల్, లింగాల 20.5, ఉప్పునుంతల 18.3, ఐనోల్ 17.0, కుమ్మెర 15.5, ఊర్కొండ 10.0, అమ్రాబాద్ 9.8, వెల్టూర్ 8.8, వటవర్లపల్లి 2.8, అచ్చంపేట 2.3, అత్యల్పంగా వంకేశ్వర్ లో 0.5 మిల్లీమీటర్ల వర్షపాతం నమోదైందని వాతావరణ శాఖ తెలిపింది.
News November 4, 2025
వర్షంలో ఇబ్బంది పడుతున్న భక్తులు
శ్రీ రాజరాజేశ్వర స్వామి వారి దర్శనం కోసం వేములవాడకు వచ్చిన భక్తులు వర్షం కారణంగా ఇబ్బంది పడుతున్నారు. దూర ప్రాంతాల నుంచి వచ్చిన భక్తులు శ్రీ రాజరాజేశ్వర స్వామివారిని, శ్రీ భీమేశ్వర స్వామివారిని దర్శించుకునేందుకు నిరీక్షిస్తున్నారు. ఈ తరుణంలో మంగళవారం వేకువజాము నుంచి వర్షం ప్రారంభం కావడంతో భక్తులు వర్షంలో తడుస్తూనే శ్రీ స్వామి వారి దర్శనం కోసం వెళ్తున్నారు.