News March 22, 2025

కలెక్టర్ కార్యాలయంలో బాంబు బెదిరింపు ‘మాక్ డ్రిల్’

బాంబు బెదిరింపు వచ్చినప్పుడు ఎలా ఎదుర్కోవాలి, అనే విషయంపై శుక్రవారం రాయచోటిలోని కలెక్టర్ కార్యాలయంలో పోలీసులు మాక్ డ్రిల్ నిర్వహించారు. హుటాహుటిన కలెక్టర్ కార్యాలయానికి చేరుకున్న పోలీసులు, ఉద్యోగులను బయటకు పంపి కార్యాలయంలో అణువణువు తనిఖీ చేశారు. ఎస్పీ విద్యాసాగర్ నాయుడు మాట్లాడుతూ.. మాక్ డ్రిల్ ఉద్దేశం ఉద్యోగులను అప్రమత్తం చేయడం, అత్యవసర పరిస్థితుల్లో ఎలా స్పందించాలో శిక్షణ ఇవ్వడమేనని అన్నారు.