News March 23, 2025
ప్రజలకు విద్య, వైద్యం చాలా ముఖ్యం: శబరీష్
నేటి సమాజంలో ప్రజలకు విద్య వైద్యం ఎంతో ముఖ్యమని ములుగు ఎస్పీ శబరీష్ అన్నారు. వాజేడు మండలం కొంగాల గ్రామంలో జిల్లా పోలీసు శాఖ ఆధ్వర్యంలో ఏర్పాటు చేసిన ఉచిత వైద్య ఆరోగ్య శిబిరాన్ని శనివారం ఎస్పీ సందర్శించారు. ఈ సందర్భంగా ఆయన మాట్లాడుతూ.. ప్రజల శ్రేయస్సు పోలీసుల ప్రథమ కర్తవ్యం అని ఎస్పీ అన్నారు. సమాజంలోని యువత చెడు వ్యసనాలకు బానిస కాకూడదని, వైద్య శిబిరాన్ని సద్వినియోగం చేసుకోవాలన్నారు.
Similar News
News March 26, 2025
నాకు హోం శాఖ ఇవ్వాలి అని అనలేదు: రాజ్‌గోపాల్ రెడ్డి
TG: హోంశాఖ అంటే ఇష్టమని తాను చెప్పినట్లుగా జరుగుతున్న ప్రచారాన్ని INC MLA కోమటిరెడ్డి రాజ్‌గోపాల్ రెడ్డి ఖండించారు. ‘నేను హోం శాఖ మంత్రి అయితే బాగుంటుందని నా ఫ్యాన్స్, కార్యకర్తలు అభిప్రాయపడుతున్నట్లు మీడియాతో చెప్పాను. అంతేతప్ప నాకు హోంశాఖ ఇవ్వాలి, అది అయితేనే బాగుంటుందని అనలేదు. మంత్రివర్గ విస్తరణపై అధిష్ఠానం నిర్ణయమే ఫైనల్. ఏ శాఖ ఇచ్చినా బాధ్యతయుతంగా పనిచేస్తా’ అని స్పష్టం చేశారు.
News March 26, 2025
కాంస్య పతకం గెలిచిన భారత రెజ్లర్
జోర్డాన్ రాజధాని అమ్మన్‌లో జరుగుతోన్న సీనియర్ ఏషియన్ ఛాంపియన్‌షిప్-2025లో భారత రెజ్లర్ కాంస్య పతకం గెలుచుకున్నారు. 87 కేజీల విభాగంలో చైనా రెజ్లర్‌ను చిత్తు చేసి బ్రాంజ్ మెడల్ సాధించారు. దీంతో భారత్ పతకాల ఖాతా తెరిచింది. హరియాణాకు చెందిన సునీల్ గతంలో ఏషియన్ ఛాంపియన్ షిప్స్‌లో ఒక గోల్డ్ (2020), ఒక సిల్వర్ (2019), రెండు బ్రాంజ్ (2022, 2023) మెడల్స్ గెలిచారు.
News March 26, 2025
లింగ నిర్ధారణ పరీక్ష చట్టరీత్యా నేరం: MNCL కలెక్టర్
లింగ నిర్ధారణ పరీక్ష చేయడం చట్టరీత్యా నేరమని, ఇందుకు పాల్పడిన వారిపై క్రిమినల్ కేసులు నమోదు చేయనున్నట్లు కలెక్టర్ కుమార్ దీపక్ హెచ్చరించారు. మంగళవారం కలెక్టరేట్‌లో అధికారులతో సమావేశమయ్యారు. స్కానింగ్ సెంటర్లలో పుట్టబోయేది ఆడబిడ్డ, మగబిడ్డ అని తెలపవద్దని సూచించారు. చెన్నూర్, కోటపల్లి, వేమనపల్లి మండలాల్లో తగ్గిన బాలికల నిష్పత్తిపై సమగ్ర విచారణ జరపాలని అధికారులను ఆదేశించారు.