News March 23, 2025
యానాం సబ్ జైలు గోడదూకి పరారైన ఖైదీ

కేంద్రపాలిత ప్రాంతమైన యానాం సబ్ జైల్ నుంచి గోడ దూకి ఓ ఖైదీ పరారయ్యాడు. సుమారు 25 అడుగులు సబ్ జైల్ గోడ పైనుంచి దూకి శనివారం పరారైనట్లు సమాచారం. ఒక దొంగతనం కేసులో శనివారం ఉదయం 7 రోజులు రిమాండ్ ఖైదీగా జైలుకి వెళ్లిన కనకాల పేటకు చెందిన కనకాల వెంకటేశ్వర్లు మధ్యాహ్నానికి పరారయ్యాడని చెబుతున్నారు. పోలీసులు ముమ్మర గాలింపు చర్యలు చేపట్టినట్లు తెలిపారు.
Similar News
News November 29, 2025
జనగామ: ఇదే అదును, రోజుకో పార్టీ.!

జిల్లా వ్యాప్తంగా స్థానిక ఎన్నికల జాతర మొదలైంది. దీంతో ఆయా పార్టీల రాజకీయ నాయకులు కార్యకర్తలను, సీనియర్ నాయకులను, ఓట్ బ్యాంక్ ఉన్నవారిని మభ్యపెట్టే పనిలో పడ్డారు. ఇదే అదునుగా చూసుకొని ఈ పార్టీ నుంచి ఆ పార్టీకి, ఆ పార్టీ నుంచి ఈ పార్టీకి జంప్ అవుతున్నారు. ఈరోజు ఒక పెట్టెలో రేపు పొద్దున మరో పార్టీకి చేరే వాళ్లు సైతం ఉన్నారు. ఇలా రోజుకో పార్టీలు మారుతుండటంతో అంతా అయోమయంగా ఉందంటున్నారు.
News November 29, 2025
VJA: భవానీ దీక్షల విరమణకు 7 లక్షల మంది భక్తులు.?

ఇంద్రకీలాద్రిపై భవానీ దీక్ష విరమణ మహోత్సవాలు డిసెంబర్ 11 ఉదయం 8 గంటలకు ప్రారంభమై, డిసెంబర్ 15 ఉదయం 10.30 గంటలకు మహా పూర్ణాహుతితో ముగుస్తాయి. ఈ 5 రోజులు సుమారు 7 లక్షల మంది భక్తులు తరలివస్తారని అధికారులు అంచనా వేస్తున్నారు. గిరి ప్రదక్షిణకు ఏర్పాట్లు చేస్తున్నారు. భక్తుల సౌకర్యార్థం ప్రత్యేక క్యూ లైన్లు, వేచి ఉండే హాళ్లు, పార్కింగ్, ప్రసాదం, అన్నదానం కేంద్రాలు ఏర్పాటు చేస్తున్నారు.
News November 29, 2025
ఎన్నికల నిర్వహణ పకడ్బందీగా నిర్వహించాలి: కలెక్టర్

గ్రామ పంచాయతీ ఎన్నికల నిర్వహణ ఏర్పాట్లు నిర్లక్ష్యానికి తావు లేకుండా పకడ్బందీగా చేపట్టాలని కలెక్టర్ ఆదర్శ్ సురభి అధికారులకు దిశానిర్దేశం చేశారు. శనివారం కలెక్టరేట్ కాన్ఫరెన్స్ హాల్ నుంచి జిల్లాలోని తహశీల్దారులు ఎంపీడీవోలతో గ్రామపంచాయతీ ఎన్నికల నిర్వహణపై వీడియో కాన్ఫరెన్స్ నిర్వహించారు. మొదటి విడతలో ఎన్నికలు జరగనున్న 5 మండలాలకు సంబంధించి నామినేషన్ల పరిశీలనకు ఏర్పాట్లు పూర్తి చేసుకోవాలని తెలిపారు.


