News March 25, 2025
కొమురవెల్లి: పోలీసు అధికారులను, సిబ్బందిని అభినందించిన సీపీ
ప్రముఖ పుణ్యక్షేత్రమైన కొమురవెల్లి మల్లికార్జున స్వామి బ్రహ్మోత్సవాల సందర్భంగా పది ఆదివారాల పాటు బందోబస్తు నిర్వహించిన పోలీస్ అధికారులను, సిబ్బందిని సోమవారం పోలీస్ కమిషనర్ అనురాధ అభినందించారు. ఈ సందర్భంగా పోలీస్ కమిషనర్ మాట్లాడుతూ.. జిల్లాలో జరిగే అతి పెద్ద జాతర మల్లన్న బ్రహ్మోత్సవాల సందర్భంగా ఎలాంటి అవాంఛనీయ ఘటనలు జరగకుండా బందోబస్తు నిర్వహించిన సిబ్బందిని అభినందించారు.
Similar News
News March 31, 2025
అయిజ: ‘రతంగాపాణి రెడ్డి మన మధ్య లేకపోవడం బాధాకరం’
అయిజ మండలం ఉప్పల గ్రామానికి చెందిన మలిదశ తెలంగాణ ఉద్యమకారుడు రతంగపాణి రెడ్డి మన మధ్య లేకపోవడం అత్యంత బాధాకరమని అఖిలపక్ష కమిటీ నాయకులు నాగర్‌దొడ్డి వెంకట రాములు, ఆంజనేయులు, హనుమంతు పేర్కొన్నారు. సోమవారం ఉప్పల గ్రామంలో ఆయన భౌతికదేహాన్ని సందర్శించి పూలమాలవేసి నివాళులు అర్పించారు. మలిదశ ఉద్యమంలో రాష్ట్ర సాధన ఆవశ్యకత గురించి యువతను చైతన్యం చేశాడని కొనియాడారు. కుటుంబ సభ్యులను ఓదార్చి ధైర్యం చెప్పారు.
News March 31, 2025
విద్యుత్ వినియోగదారులకు మరింత ఉత్తమ సేవలు: సీఎండీ
NPDCL పరిధిలోని 16 సర్కిళ్లలో విద్యుత్ వినియోగదారులకు మరింత ఉత్తమ సేవలు అందించడానికి “కన్స్యూమర్ ఫీడ్ బ్యాక్ సెల్”ను కొత్తగా ఏర్పాటు చేశామని సీఎండీ కర్నాటి వరుణ్ రెడ్డి తెలిపారు. మార్చిలో వివిధ క్యాటగిరీలో రిలీజ్ చేసిన కొత్త సర్వీసుల్లో రోజుకు దాదాపు 60 మంది వినియోగదారులకు ఫోన్ చేసి 4 పారామీటర్ల ఫీడ్ బ్యాక్ తీసుకుంటామని చెప్పారు.
News March 31, 2025
వేసవిలో ఇలా చేయండి..
వేసవిలో డీహైడ్రేషన్ సమస్య ఎక్కువగా వేధిస్తుంది. వివిధ కారణాలతో నీరు తాగడాన్ని నిర్లక్ష్యం చేస్తే మూత్రపిండాలపై ప్రభావం చూపిస్తుందని ఆరోగ్య నిపుణులు చెబుతున్నారు. రోజూ కనీసం 8 గ్లాసుల వాటర్ తాగడం, దోసకాయ, పుచ్చకాయ తినడం, జ్యూస్‌లు తాగడం వంటివి చేయాలని సూచిస్తున్నారు. దాహం వేయకున్నా తరచుగా నీరు తాగాలని చెబుతున్నారు. చక్కెర పానీయాలు, ప్యాక్ చేసిన డ్రింక్స్ వినియోగాన్ని తగ్గించాలని సూచిస్తున్నారు.