News March 25, 2025
అత్యంత విలువైన స్టీల్ కంపెనీగా JSW స్టీల్ రికార్డ్
ప్రపంచంలోనే అత్యంత విలువైన స్టీల్ కంపెనీగా JSW స్టీల్ రికార్డు సృష్టించింది. $30.31B మార్కెట్ విలువను సాధించింది. $90Mతో ఆర్సెలార్ మిత్తల్, $3Bతో న్యూకోర్ కార్ప్‌ను వెనక్కి నెట్టేసింది. ఈ భారతీయ కంపెనీ విజయనగర, డోల్వి, సేలమ్‌లో ప్లాంట్లు, అమెరికా, ఇటలీలో వ్యాపార కార్యకలాపాలు నిర్వహిస్తోంది. ప్రస్తుత 35.7MT ఉత్పత్తి సామర్థ్యాన్ని FY28లో 43.5 MT, FY31లో 51.5 MTకి పెంచుకోవాలని టార్గెట్ పెట్టుకుంది.
Similar News
News March 26, 2025
రామ్ చరణ్ కొత్త సినిమా అప్డేట్
రామ్ చరణ్, బుచ్చి బాబు కాంబినేషన్లో తెరకెక్కుతోన్న RC16 నుంచి అదిరిపోయే అప్డేట్ వచ్చింది. రేపు చెర్రీ జన్మదినం పురస్కరించుకొని ఈ సినిమా టైటిల్, ఫస్ట్ లుక్‌ను ఉ.9.09 గంటలకు రిలీజ్ చేయనున్నట్లు చిత్ర యూనిట్ ట్వీట్ చేసింది. జాన్వీ కపూర్ హీరోయిన్‌గా నటిస్తోన్న ఈ సినిమాలో శివరాజ్ కుమార్ కీలక పాత్ర పోషిస్తున్నారు. చిత్ర షూటింగ్ శరవేగంగా జరుగుతోంది.
News March 26, 2025
ఎంపీ మిథున్‌రెడ్డిపై తొందరపాటు చర్యలొద్దు: హైకోర్టు
AP: వైసీపీ ఎంపీ మిథున్‌రెడ్డికి హైకోర్టులో ఊరట లభించింది. మద్యం కేసులో ఏప్రిల్ 3 వరకు ఆయనపై ఎలాంటి తొందరపాటు చర్యలు తీసుకోవద్దని సీఐడీ పోలీసులను ఆదేశించింది. అయితే ఎంపీకి ఇప్పటి వరకు నోటీసులు ఇవ్వలేదని ప్రభుత్వ తరఫు లాయర్ కోర్టుకు తెలిపారు. వాదనలు విన్న న్యాయమూర్తి తదుపరి విచారణను ఎల్లుండికి వాయిదా వేశారు.
News March 26, 2025
‘ఆన్‌లైన్ బెట్టింగ్’పై రాష్ట్రాలు చట్టాలు చేయొచ్చు: కేంద్రమంత్రి
ఆన్‌లైన్ గేమింగ్, బెట్టింగ్ అంశాలు రాష్ట్ర పరిధిలోనివని కేంద్ర మంత్రి అశ్వినీ వైష్ణవ్ లోక్‌సభలో వెల్లడించారు. వీటిపై ఆయా రాష్ట్రాలు చట్టాలు చేసుకోవచ్చని తెలిపారు. ఈ వ్యవహారంలో కేంద్రం తన నైతిక బాధ్యత నుంచి తప్పుకుంటోందా? అని డీఎంకే ఎంపీ దయానిధి అడిగిన ప్రశ్నకు ఆయన సమాధానమిచ్చారు. ఇది రాష్ట్రాల పరిధిలోనిది అయినా ఫిర్యాదుల ఆధారంగా 1,410 గేమింగ్ సైట్లను నిషేధించామని చెప్పారు.