News March 26, 2025
నేత్రపర్వంగా భద్రాద్రి రామయ్య నిత్యకళ్యాణం
భద్రాచలం శ్రీ సీతారామచంద్రస్వామి వారి నిత్యకళ్యాణ వేడుక బుధవారం నేత్రపర్వంగా సాగింది. తెల్లవారుజామున గర్భగుడిలో స్వామివారికి సుప్రభాత సేవ, సేవాకాలం, ఆరాధన తదితరపూజలు చేశారు. అనంతరం బేడా మండపంలో కొలువుదీర్చి విశ్వక్సేన పూజ, పుణ్యావాచనం చేశారు. స్వామి వారికి కంకణధారణ, యజ్ఞోపవీత ధారణ, అమ్మ వారికి కంకణధారణ, యోక్త్రధారణ గావించి నిత్యకళ్యాణ ఘట్టాన్ని అర్చకులు శాస్త్రోక్తంగా నిర్వహించారు.
Similar News
News December 26, 2025
కామారెడ్డి చలి ప్రభావం.. స్థిరంగా ఉష్ణోగ్రతలు
కామారెడ్డి జిల్లాలో గడిచిన 24 గంటల్లో నమోదైన కనిష్ఠ ఉష్ణోగ్రతల వివరాలను అధికారులు వెల్లడించారు. రామలక్ష్మణపల్లి 9.6°C, గాంధారి 9.9, జుక్కల్ 10.2, మేనూర్ 10.3, మాక్దూంపూర్ 10.4, సర్వాపూర్ 10.7, లచ్చపేట, పెద్దకొడప్గల్ 10.8, నాగిరెడ్డిపేట, మాచాపూర్ 11, బీర్కూర్, బిచ్కుంద, ఎల్పుగొండ, డోంగ్లి 11.1, రామారెడ్డి, నస్రుల్లాబాద్ 11.2, బొమ్మన్ దేవిపల్లి 11.3, పిట్లం, భిక్నూర్, ఇసాయిపేట, పుల్కల్ 11.4°C.
News December 26, 2025
మహబూబాబాద్ జిల్లా అధ్యక్షుడిగా వెంకటేశ్వర్లు
మహబూబాబాద్ జిల్లా డిడిఎన్ (దేవాలయ ధూప, దీప నైవేద్య) అర్చక సంఘం జిల్లా అధ్యక్షుడిగా లింగోజు వెంకటేశ్వరచారిని ఎన్నుకున్నట్లు కమిటీ తెలిపింది. మహబూబాబాద్ బ్రహ్మంగారి దేవాలయంలో జరిగిన ధూప దీప నైవేద్య అర్చకుల ఎన్నికలలో మరిపెడ బంగ్లా ఎల్లంపేటకి చెందిన లింగోజు వెంకటేశ్వర ఆచారి 43ఓట్లతో గెలుపొందారు. వెంకటేశ్వర ఆచారికి పలువురు అభినందనలు తెలిపారు.
News December 26, 2025
శ్రీకాళహస్తి మున్సిపల్ ఆఫీసులో ఉద్యోగాలు
శ్రీకాళహస్తి మున్సిపాలిటీలో పబ్లిక్ హెల్త్ వర్కర్లు(శానిటేషన్), నాన్ పబ్లిక్ హెల్త్ వర్కర్లు(ఇంజినీరింగ్) పోస్టుల భర్తీకి దరఖాస్తులు స్వీకరిస్తున్నట్లు కమిషనర్ భవాని ప్రసాద్ తెలిపారు. జనవరి 6వ తేదీ సాయంత్రం 5గంటల లోపు అప్లికేషన్లు సమర్పించాలని కోరారు. పబ్లిక్ హెల్త్ వర్కర్లకు నెలకు రూ.21వేలు, నాన్ పబ్లిక్ హెల్త్ వర్కర్లకు నెలకు రూ.18,500 జీతం ఉంటుందని చెప్పారు. కనీసం 7వ తరగతి అర్హత ఉండాలన్నారు.