News March 27, 2025
గూడూరులో డెడ్‌ బాడీ కలకలం
గూడూరు పట్టణ శివారులోని టిడ్కో ఇళ్ల సమీపంలో ఓ వ్యక్తి మృతదేహం ఇవాళ కలకలం రేపింది. టిడ్కో గృహాల పక్కనే ఉన్న కంపచెట్ల పొదల్లో ఓ మృతదేహం కుళ్లిపోయి ఉండటాన్ని స్థానికులు గుర్తించి పోలీసులకు సమాచారం అందించారు. వారం రోజుల క్రితం ఓ మహిళ తన కుమారుడు సోహెల్ కనిపించడం లేదని పోలీస్ స్టేషన్లో ఫిర్యాదు చేసి ఉన్నారు. పోలీసులు సోహెల్ మృతదేహంగా అనుమానిస్తున్నారు. పూర్తి వివరాలు తెలియాల్సి ఉంది.
Similar News
News November 10, 2025
MBNR: ఈనెల 12న చెస్ ఎంపికలు.. ఎస్‌జీఎఫ్‌ ప్రకటన
ఉమ్మడి మహబూబ్‌నగర్ జిల్లా స్కూల్ గేమ్స్ ఫెడరేషన్ (ఎస్‌జీఎఫ్‌) ఆధ్వర్యంలో అండర్-14, 17, 19 బాల, బాలికల విభాగాల్లో చెస్ ఎంపికలను నిర్వహించనున్నారు. ఈ నెల 12న మహబూబ్‌నగర్‌లోని లిటిల్ స్కాలర్ స్కూల్‌లో ఎంపికలు జరుగుతాయని ఎస్‌జీఎఫ్‌ జిల్లా కార్యదర్శి డాక్టర్ ఆర్.శారదాబాయి ‘Way2News’తో తెలిపారు. అభ్యర్థులు ఒరిజినల్ బోనఫైడ్, ఆధార్, టెన్త్ మెమో (U-19)తో ఉదయం 9 గంటలలోపు రిపోర్ట్ చేయాలని ఆమె సూచించారు.
News November 10, 2025
NTR: ఆ నిధులతో ఏం చేస్తారో..?
గత ఏడాది వరదలకు దెబ్బతిన్న బుడమేరు, కాలువల మరమ్మతులకు సంబంధించిన రూ. 60-70 కోట్ల నిధులు ఎనిమిది నెలల తర్వాత మే నెలలో విడుదలయ్యాయి. దీంతో పనులు ఆలస్యం కావడంపై ప్రజలు మండిపడుతున్నారు. ఎప్పుడో పడిన గండ్లకే మళ్లీ మట్టి తీసి పనులు చేస్తారనడం నిరుపయోగమని, ఆ నిధులను ఇటీవల వర్షాలకు జరిగిన నష్టం పూడ్చేందుకు వాడాలని డిమాండ్ చేస్తున్నారు.
News November 10, 2025
మెదక్: ఫిర్యాదులు స్వీకరించిన ఎస్పీ
మెదక్ జిల్లా పోలీస్ ప్రధాన కార్యాలయంలో ప్రజావాణిలో భాగంగా ఎస్పీ డీవీ.శ్రీనివాసరావు ప్రజల నుంచి వచ్చిన ఫిర్యాదులను నేరుగా స్వీకరించారు. జిల్లా నలుమూలల నుంచి వచ్చిన ప్రజలు తమ సమస్యలను ఎస్పీకి తెలియజేశారు. మొత్తం 11 ఫిర్యాదులను స్వయంగా స్వీకరించి, వాటి పరిష్కారం కోసం సంబంధిత అధికారులకు తక్షణ ఆదేశాలు జారీ చేశారు. కొన్నింటిపై వెంటనే స్పందిస్తూ సంబందిత అధికారులతో మాట్లాడారు.