News April 1, 2025
మారేడుమిల్లి: తమ్ముడు హత్య కేసులో అన్న అరెస్ట్
అల్లూరి జిల్లా మారేడుమిల్లి (M) నీలవరంలో రూ.20 వేలు బాకీ ఇవ్వనందుకు తమ్ముడు సుగ్గిరెడ్డిని బాణంతో హత్య చేసిన అన్న లచ్చిరెడ్డిని అరెస్ట్ చేశామని సీఐ గోపాలకృష్ణ మంగళవారం తెలిపారు. గత నెల 23న ఈ ఘటన జరగగా అప్పటి నుంచి నిందితుడు పరారీలో ఉండగా నేడు అరెస్ట్ చేశామన్నారు. వ్యాన్ కొనుగోలు విషయంలో తమ్ముడు అన్నకు 20 ఏళ్ల క్రితం రూ.20వేలు బాకీ పడ్డాడని, అప్పటి నుంచి ఇరువురు మధ్య గొడవలు జరుగుతున్నాయని తెలిపారు.
Similar News
News November 7, 2025
ఒక పూట భోజనం వల్ల ఆరోగ్య ప్రయోజనాలు
హిందూ ధర్మంలో కొందరు కొన్ని వారాల్లో ఒక పూట భోజనం చేసే వ్రతాన్ని ఆచరిస్తారు. అయితే ఈ వ్రతం వెనుక కొన్ని ఆరోగ్య ప్రయోజనాలున్నాయి. రోజూ ఒకపూటే తినడం వల్ల మనిషి ఆరోగ్యంగా ఉంటాడు.శరీరానికి విశ్రాంతి దొరికి, జీర్ణవ్యవస్థపై భారం తగ్గుతుంది. ఫలితంగా మనసు ప్రశాంతంగా ఉంటుంది. ఆయుష్షు, శక్తి పెరుగుతాయి. ఎక్కువ పూటలు తినడం అనారోగ్యానికి సంకేతం. అందుకే పరిపూర్ణ ఆరోగ్యం కోసం ఈ నియమాన్ని పాటించాలంటారు. <<-se>>#Aaharam<<>>
News November 7, 2025
తండ్రులకూ డిప్రెషన్.. వారికీ చేయూత కావాలి!
బిడ్డ పుట్టాక తల్లుల్లో పోస్ట్ పార్టమ్ డిప్రెషన్ వల్ల ఒత్తిడి, చిరాకు, కోపం వంటివి వస్తాయి. ఇప్పుడు బిడ్డను చూసుకునే బాధ్యత తండ్రికీ ఉంటోంది. రాత్రులు నిద్రలేకపోవడం, బాధ్యతలు, ఖర్చులు, ఒత్తిడి, జాబ్ కారణంగా తండ్రుల్లోనూ పోస్ట్‌పార్టమ్ డిప్రెషన్ వస్తోందని వైద్యులు చెబుతున్నారు. ఒక్కోసారి సూసైడ్ థాట్స్ కూడా వస్తాయని ఆందోళన వ్యక్తం చేస్తున్నారు. అందుకే తండ్రికీ కుటుంబం నుంచి చేయూత అవసరం అంటున్నారు.
News November 7, 2025
డిసెంబర్‌లో పెళ్లి.. అంతలోనే..!
డిసెంబర్‌లో పెళ్లి జరగాల్సిన ఓ ఇంట్లో విషాదం నెలకొంది. రాబోయే కొత్త జీవితం కోసం కలలు కన్న రామును కోల్పోవడం కుటుంబానికి తట్టుకోలేని విషాదంగా మారింది. వివరాల్లోకి వెళ్తే.. పెద్దపప్పూరు(M) చాగల్లులో గ్రామానికి చెందిన రాము(23) గురువారం టెంకాయ చెట్టును కొడుతుండగా విద్యుత్తు వైర్లు తగిలి షాక్‌కు గురయ్యాడు. కుటుంబ సభ్యులు ఆసుపత్రికి తరలించగా.. వైద్యులు పరీక్షించి అప్పటికే మృతి చెందినట్లు నిర్ధారించారు.