News April 1, 2025
రఘురామకృష్ణరాజు కస్టోడియల్ కేసులో కీలక పరిణామం
AP: రఘురామకృష్ణరాజు కస్టోడియల్ టార్చర్ కేసులో కీలక పరిణామం చోటు చేసుకుంది. అప్పటి గుంటూరు GGH సూపరింటెండెంట్ ప్రభావతి తప్పకుండా దర్యాప్తునకు సహకరించాలని సుప్రీం ఆదేశించింది. ఈ నెల 7, 8వ తేదీల్లో సంబంధిత PSలో విచారణకు హాజరు కావాలని పేర్కొంది. సాకులు చూపుతూ ప్రభావతి దర్యాప్తునకు రావట్లేదని ప్రభుత్వ తరఫు న్యాయవాది వాదించగా.. 2 నెలల్లో ఒక్కసారే పిలిచారని ఆమె తరఫు న్యాయవాది వాదనలు వినిపించారు.
Similar News
News April 3, 2025
లక్షణాలు లేకపోయినా ఆస్పత్రి పాలు.. ఓ కంపెనీ CEO పోస్ట్ వైరల్!
ఆస్పత్రిపాలైన ‘డేజీన్ఫో మీడియా’ సీఈవో అమిత్ మిశ్రా చేసిన లింక్డిన్ పోస్ట్ వైరలవుతోంది. ‘ఆఫీస్ వర్క్ చేస్తుండగా ముక్కు నుంచి రక్తస్రావం జరిగింది. వెంటనే ఆస్పత్రికి వెళ్లగా బీపీ 230 దాటింది. డాక్టర్లు తీవ్రంగా శ్రమించి BP తగ్గిస్తే మరుసటి రోజు మూర్చపోయా. ఎలాంటి లక్షణాలు లేవు. ఈ అనుభవంతో చెప్తున్నా పని ముఖ్యమే కానీ ఆరోగ్యమూ చూసుకోండి. అందుకే తరచుగా హెల్త్ చెకప్స్ చాలా ముఖ్యం’ అని ఆయన రాసుకొచ్చారు.
News April 3, 2025
13న ఓటీటీలోకి ‘కింగ్‌స్టన్’
మ్యూజిక్ డైరెక్టర్ జీవీ ప్రకాశ్ కుమార్ హీరోగా తెరకెక్కిన హారర్ థ్రిల్లర్ ‘కింగ్‌స్టన్’ మూవీ ఈ నెల 13న జీ5 ఓటీటీలోకి రానుంది. తమిళంతోపాటు తెలుగు, కన్నడ, మలయాళ, హిందీ భాషల్లోనూ స్ట్రీమింగ్ అయ్యే అవకాశం ఉంది. అదే రోజు మధ్యాహ్నం 12 గంటలకు జీ తమిళ్‌లో ప్రసారం కానుంది. ఈ చిత్రంలో దివ్యభారతి హీరోయిన్‌గా నటించారు. మార్చి 7న విడుదలైన ఈ సినిమా థియేటర్లలో ఆశించిన స్థాయిలో ఆకట్టుకోలేదు.
News April 3, 2025
ప్రభుత్వంపై సుప్రీం ప్రశ్నల వర్షం
TG: కంచ భూముల్లో చెట్ల నరికివేతపై స్టే <<15980464>>విధిస్తూ <<>>సుప్రీంకోర్టు కీలక వ్యాఖ్యలు చేసింది. ‘చెట్ల కొట్టివేతను సుమోటోగా చేపట్టాం. హైకోర్టు రిజిస్ట్రార్ స్పాట్‌కి వెళ్లి రిపోర్ట్ ఇచ్చారు. అటవీ ప్రాంతంలో చెట్లు ఎందుకు తొలగించారు? 100 ఎకరాలు ధ్వంసం చేసినట్లు నివేదిక వచ్చింది. ఇంత హడావుడిగా ఎందుకు చేపట్టారు? అనుమతులు తీసుకున్నారా?’ అని కోర్టు ప్రశ్నించింది. ఈ నెల 16లోగా నివేదిక ఇవ్వాలని GOVTను ఆదేశించింది.