News April 1, 2025
BREAKING: ఎమ్మెల్యే జైవీర్ రెడ్డి కాన్వాయ్‌కి ప్రమాదం
నాగార్జున సాగర్ ఎమ్మెల్యే జైవీర్ రెడ్డి కాన్వాయ్‌కి ప్రమాదం జరిగింది. గుర్రంపోడులో ఆలయ వార్షికోత్సవానికి వచ్చి వెళ్తుండాగా వద్దిరెడ్డిగూడెం వద్ద కాన్వాయ్‌లో గన్‌మెన్లు ప్రయాణిస్తున్న కారు అదుపుతప్పి రోడ్డు పక్కకు దూసుకెళ్లింది. ఈ క్రమంలో వాహనం విద్యుత్‌ ట్రాన్స్‌ఫార్మర్‌కు తగలగా మంటలు చెలరేగాయి. ఇద్దరికి స్వల్ప గాయాలైనట్లు సమాచారం. మరిన్ని వివరాలు తెలియాల్సి ఉంది.
Similar News
News April 3, 2025
ముంబై యంగ్ ప్లేయర్‌కి CSK పిలుపు!
ఫామ్‌లో లేని బ్యాటింగ్ లైనప్‌తో ఇబ్బంది పడుతున్న CSK కొత్త టాలెంట్‌పై ఫోకస్ చేసింది. ముంబై సంచలనం ఆయుశ్ మాత్రేను ట్రయల్స్‌కు పిలిపించింది. ‘అతను మా టాలెంట్ స్కౌట్స్‌ను ఇంప్రెస్ చేశారు. జట్టుకు ఏది అవసరమో అది చేస్తాం. ప్రస్తుతం ఎవరినీ జట్టులోకి చేర్చుకోలేదు’ అని యాజమాన్యం తెలిపింది. ఆయుశ్ U-19 ఆసియా కప్‌లో 44Avg, 135.38SRతో 176 రన్స్, విజయ్ హజారే ట్రోఫీలో 65.43Avg, 135.50SRతో 458 పరుగులు చేశారు.
News April 3, 2025
అమరావతి: నేటితో మంత్రివర్గ సమావేశం ముగింపు
సీఎం చంద్రబాబు అధ్యక్షతన సచివాలయంలో ఏపీ మంత్రివర్గ సమావేశం ముగిసింది. గురువారం ఈ సమావేశంలో పలు కీలక అంశాలకు ఆమోదం తెలిపారు. ఏపీ డ్రోన్ కార్పొరేషన్‌ను ఫైబర్ నెట్ లిమిటెడ్ నుంచి విడదీసి స్వతంత్ర సంస్థగా ఏర్పాటు చేసేందుకు క్యాబినెట్ ఆమోదం తెలిపింది. రాష్ట్రంలో డ్రోన్ సంబంధిత అంశాలన్నిటికీ నోడల్ ఏజెన్సీగా ఏపీడీసీ వ్యవహరించనుంది. అనకాపల్లి జిల్లాలోని క్యాపిటివ్ పోర్టు ఏర్పాటుకు ఆమోదం తెలిపారు.
News April 3, 2025
నంగునూర్: గులాబీ పువ్వులతో కనువిందు
ఆకాశం లేత నీలం రంగులో మెరిసిపోతోంది. అక్కడక్కడ తెల్లటి మేఘాలు తేలియాడుతున్నాయి. నేలపై రాలిన లేత గులాబీ రంగు పూలతో వీధి చాలా అందంగా ఉంది. ఈ సమ్మోహన దృశ్యం సిద్ధిపేట జిల్లా నంగునూర్ మండలం గట్లమల్యల గ్రామంలో చోటు చేసుకుంది. నాడు కేసీఆర్ ప్రభుత్వంలో నాటిన మొక్క నేడు వృక్షంగా మారి గులాబి పువ్వులతో ఒక ప్రత్యేకమైన అందాన్ని ఇస్తుంది. ఒక పెద్ద చెట్టు గులాబీ రంగు పూలతో పూర్తిగా నిండిపోయి ఆకర్షిస్తోంది.