News April 1, 2025
ఆటో ఛార్జీకి రూ.30 అడిగేవాడు.. కానీ ఇప్పుడు: హర్కేశ్
నిన్న KKRపై డెబ్యూ మ్యాచ్‌లోనే అశ్వనీకుమార్(MI) 4 వికెట్లు తీయడంతో తండ్రి హర్కేశ్ ఉప్పొంగిపోతున్నారు. అతను బుమ్రా, స్టార్క్‌లా రాణించాలని కలలు కనేవాడని చెప్పారు. ట్రైనింగ్ ముగించుకుని రా.10కి ఇంటికొచ్చి ఉ.6కే అకాడమీకి సైకిల్‌పై వెళ్లేవాడని గుర్తుచేసుకున్నారు. ఒక్కోసారి ఆటోలో వెళ్లేందుకు ₹30 అడిగేవాడని, ఇప్పుడు వేలంలో ₹30L సాధించాడని తెలిపారు. దాంతో పలువురికి క్రికెట్ కిట్లు విరాళంగా ఇచ్చారన్నారు.
Similar News
News April 6, 2025
రిటైర్మెంట్ ప్రచారంపై స్పందించిన ధోనీ
IPLకు తాను రిటైర్మెంట్ ప్రకటిస్తానని జరుగుతున్న ప్రచారంపై CSK స్టార్ ప్లేయర్ MS ధోనీ స్పందించారు. ‘ప్రస్తుతం నాకు 43 ఏళ్లు. ఇంకా ఆడుతున్నాను. ఈ జులై నాటికి నాకు 44 ఏళ్లు వస్తాయి. తదుపరి సీజన్ ఆడాలా, వద్దా? అనేది నిర్ణయించుకునేందుకు మరో 10 నెలల సమయం ఉంది. ఆడగలనా, లేదా? అనేది నిర్ణయం శరీరం అందించే సహకారం బట్టి తీసుకుంటా’ అని రాజ్ షమానీతో జరిగిన పాడ్‌కాస్ట్‌లో MSD వెల్లడించారు.
News April 6, 2025
అమిత్ షా చెప్పులు మోసిన చరిత్ర సంజయ్‌ది: మహేశ్ కుమార్
TG: కాంగ్రెస్, సీఎం రేవంత్‌పై <<16012655>>విమర్శలు చేసిన<<>> బండి సంజయ్‌పై TPCC చీఫ్ మహేశ్ కుమార్ గౌడ్ ఫైరయ్యారు. రాష్ట్ర BJP అధ్యక్షుడిగా ఉండి అమిత్ షా చెప్పులు మోసిన చరిత్రను మర్చిపోయావా? అని నిలదీశారు. బీజేపీలో ఉనికి కోసం బండి ఆరాటపడుతున్నారని, మోదీ, షా అనుమతి లేనిదే ఆయన టిఫిన్ కూడా చెయ్యరని ఎద్దేవా చేశారు. ఒంటరిగా పోటీ చేసే దమ్ము లేక బీఆర్ఎస్‌తో బీజేపీ చీకటి ఒప్పందం చేసుకుందని ఆరోపించారు.
News April 6, 2025
మోదీ కౌంటర్..సంతకాలైనా తమిళంలో చేయండి
వైద్య విద్యను తమిళంలో అందించాలని తమిళనాడు ప్రభుత్వానికి ప్రధాని మోదీ సూచించారు. రాష్ట్రం నుంచి వచ్చిన వినతి పత్రాలలో సంతకాలు తమిళంలో ఉండవని, కనీసం సంతకాలైనా మాతృభాషలో చేస్తే బాగుంటుందని రాష్ట్ర నాయకులకు సూచించారు. తమిళ భాష, సంస్కృతి అభివృద్ధి కోసం కేంద్రం ప్రయత్నిస్తోందన్నారు. జాతీయ విద్యా విధానం అమలు చేస్తే తమిళ భాషకు అన్యాయం జరుగుతుందని స్టాలిన్ ప్రభుత్వం వ్యతిరేకిస్తున్న సంగతి తెలిసిందే.