News April 2, 2025

సత్యవేడు: పింఛన్ డబ్బుతో పరార్.. అధికారి సస్పెండ్

సత్యవేడు మండలంలోని కాలమనాయుడుపేట రైతు సేవా కేంద్రంలో పనిచేస్తున్న పశుసంవర్ధక శాఖ సహాయకుడు షేక్ సహిదుల్లాను సస్పెండ్ చేస్తూ తిరుపతి కలెక్టర్ వెంకటేశ్వర్ ఉత్తర్వులు జారీ చేశారు. విధులు పట్ల నిర్లక్ష్యంగా వ్యవహరించడం, రైతుల నుంచి అక్రమంగా నగదు వసూలు చేయడం, సామాజిక పింఛన్ల సొమ్ముతో పారిపోవడం తదితర కారణాలతో ఆయనపై చర్యలు తీసుకున్నారు. నగదు స్వాహపై పోలీసులకు అధికారులు ఫిర్యాదు చేశారు.