News April 2, 2025
బయ్యారంలో వింత వ్యాధితో మరణిస్తున్న గొర్రెలు
బయ్యారం మండల కేంద్రంలో వింత వైరస్‌తో గొర్రెలు చనిపోతున్నాయని యాదవులు వాపోతున్నారు. గొర్రెలు, మేకలే జీవనాధారంగా అప్పులు చేసి గొర్రెలు కొనుగోలు చేసి తీరా నోటికాడికి వచ్చే సమయంలో సుమారు 50 శాల్తీలు మరణించడం వల్ల రూ.5లక్షల నష్టం వాటిల్లినట్లు తెలిపారు. వ్యాధి నిర్ధారణ కాక, ప్రభుత్వం మందులు ఉండకపోవడంతోనే గొర్రెలు మరణిస్తున్నాయని, ఒక్కో గొర్రెకు రూ.5-6 వేల వరకు మందులు వాడుతున్నా ఫలితం లేదన్నారు.
Similar News
News April 4, 2025
పింఛన్ కోసం వచ్చే మహిళను గర్భవతిని చేశాడు..!
పింఛన్ కోసం వచ్చిన చెవి, మూగ మహిళను ఓ వ్యక్తి గర్భవతిని చేసిన ఘటన తిరుమలాయపాలెం మండలంలో జరిగింది. సుబ్లేడులో మినీ ఏటీఎం నిర్వహిస్తున్న కామళ్ల వీరవయ్య వద్దకు ఆయన బంధువైన మహిళ పింఛన్ కోసం వచ్చేది. ఈ క్రమంలో వీరయ్య అమెను నమ్మించి గర్భవతిని చేశాడు. విషయం తెలిసి బాధితురాలి పేరెంట్స్ పోలీసులకు ఫిర్యాదు చేశారు. కేసు నమోదు చేసిన పోలీసులు వీరయ్యను రిమాండ్‌కు తరలించారు.
News April 4, 2025
బొల్లాపల్లి: తల్లి తిట్టిందని కొట్టి చంపాడు
ఉమ్మడి గుంటూరు జిల్లాలోని బొల్లాపల్లి మండలంలో కన్నతల్లిని కొడుకు హతమార్చిన విషయం తెలిసిందే. పోలీసుల కథనం మేరకు వెల్లటూరుకు చెందిన చిన్న నరసయ్య, సోమమ్మ దంపతులకు ఐదుగురు సంతానం. చిన్న కుమారుడు బాదరయ్యకు పెళ్లి కాలేదు. ఈ నేపథ్యంలో బాదరయ్యను తిడుతూ ఉండేది. పెళ్లి కావటం లేదనే అసంతృప్తి, తిట్టిందన్న కోపంతో బాదరయ్య తల్లి నిద్రిస్తుండగా రోకలి బండతో కొట్టి చంపాడు. కేసు నమోదు చేసి దర్యాప్తు చేస్తున్నారు.
News April 4, 2025
గుడిపల్లి: యువతిపై లైంగిక దాడి.. కేసు నమోదు
యువతిపై లైంగిక దాడికి పాల్పడ్డ వ్యక్తిపై కేసు నమోదు చేసినట్లు గుడిపల్లె ఎస్ఐ శ్రీనివాసులు తెలిపారు. రెండు రోజుల క్రితం సంతోశ్ ఓ యువతిని (18) ఆడుకుందామని నమ్మించి పొలం వైపు తీసుకెళ్లి అత్యాచారానికి ప్రయత్నించాడు. యువతి కేకలు వేయడంతో నిందితుడు అక్కడి నుంచి పారిపోయాడు. యువతి బంధువులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.