News April 2, 2025
గుర్తుపట్టనంతగా మారిపోయిన అలనాటి హీరోయిన్
‘ఆదిత్య 369’ సినిమాలో బాలకృష్ణ సరసన నటించిన మోహిని ప్రస్తుతం సినిమాలకు దూరంగా ఉంటున్నారు. ఆమె అసలు పేరు మహాలక్ష్మి శ్రీనివాసన్. ఈ హీరోయిన్ ప్రస్తుతం గుర్తు పట్టలేనంతగా మారిపోయారు. పెళ్లి చేసుకొని అమెరికాలో స్థిరపడిన మోహిని మత ప్రచారకురాలిగా వ్యవహరిస్తున్నారు. తెలుగులో డిటెక్టివ్ నారద, హిట్లర్‌తో పాటు ఇతర దక్షిణాది భాషా చిత్రాల్లోనూ నటించారు. కాగా ఆమె నటించిన ‘ఆదిత్య 369’ ఎల్లుండి రీరిలీజ్ కానుంది.
Similar News
News April 4, 2025
నేటి నుంచి సబ్ రిజస్ట్రార్ ఆఫీసుల్లో స్లాట్ బుకింగ్
AP: రిజిస్ట్రేషన్ కోసం గంటల తరబడి వేచి చూడకుండా నేటి నుంచి స్లాట్ బుకింగ్ విధానం అమల్లోకి రానుంది. దీంతో స్లాట్ బుక్ చేసుకున్న సమయానికి రిజిస్ట్రేషన్ ఆఫీసుకు వెళ్తే చాలు. ఇప్పటికే కృష్ణా (D)లో ఈ విధానం పైలట్‌ ప్రాజెక్ట్‌గా అమలు అవుతోంది. ఇవాళ్టి నుంచి రాష్ట్ర వ్యాప్తంగా ఉన్న ప్రధాన సబ్ రిజిస్ట్రార్ ఆఫీసుల్లో కొత్త విధానం అందుబాటులోకి రానుంది. మంత్రి అనగాని సచివాలయం నుంచి ఈ సేవలను ప్రారంభిస్తారు.
News April 4, 2025
మరో నెల రోజులు ఆస్పత్రిలోనే కొడాలి నాని
AP: YCP నేత కొడాలి నాని బైపాస్ సర్జరీ విజయవంతమైనట్లు ఆ పార్టీ నేతలు చెబుతున్నారు. ‘ముంబైలోని ఏషియన్ హార్ట్ కేర్ ఇన్‌స్టిట్యూట్ చీఫ్ సర్జన్ రమాకాంత్ పాండే 8 నుంచి 10 గంటల పాటు శ్రమించి సర్జరీ చేశారు. ఆయన అవయవాలన్నీ బాగానే స్పందిస్తున్నాయి. కొన్ని రోజులపాటు ఆయన ఐసీయూలోనే ఉంటారు. ఆ తర్వాత వైద్యుల పర్యవేక్షణలో నెల రోజులపాటు నాని ముంబైలోనే ఉండనున్నారు, త్వరలోనే కోలుకుని తిరిగి వస్తారు’ అని తెలిపారు.
News April 4, 2025
IPL: రూ.23.75 కోట్లు పెట్టింది ఇందుకే..
మెగా వేలంలో రూ.23.75 కోట్లకు అమ్ముడైన వెంకటేశ్ అయ్యర్ ఈ సీజన్లోని తొలి మూడు మ్యాచుల్లో పరుగులు చేయలేక ఇబ్బంది పడ్డారు. నిన్న SRHపై తిరిగి ఫామ్ అందుకున్నారు. 29 బంతుల్లోనే 3 సిక్సర్లు, 7 ఫోర్లతో 60 రన్స్ చేశారు. ఆరంభంలో స్లోగా ఆడిన అతడు.. చివరి ఓవర్లలో రింకూతో మ్యాచ్ స్వరూపాన్ని మార్చేశారు. SRHపై వెంకీకి మంచి రికార్డు ఉంది. ఆరెంజ్ ఆర్మీపై 9 మ్యాచుల్లో 152 స్ట్రైక్ రేటుతో 208 రన్స్ చేశారు.