News April 2, 2025
సుంకాల ప్రభావం.. భారత్‌లో తగ్గనున్న బంగారం ధరలు!
అమెరికా అధ్యక్షుడు డొనాల్డ్ ట్రంప్ విధించనున్న సుంకాలతో భారత్‌లో బంగారం ధరలు తగ్గే అవకాశం ఉందని నిపుణులు అంచనా వేస్తున్నారు. $11.88 బిలియన్ల విలువైన బంగారం, వెండి, వజ్రాలను భారత్ అమెరికాకు ఎగుమతి చేస్తుండగా వీటిపై ట్రంప్ 13.3% సుంకం విధించనున్నారు. దీని ప్రభావంతో భారత్‌లో నగలు, ఖరీదైన ఆభరణాలు చౌక కానున్నట్లు తెలుస్తోంది. కాగా, ఎలక్ట్రానిక్ పరికరాలపై సుంకం పెరగడంతో మొబైల్ ధరలు పెరిగే అవకాశం ఉంది.
Similar News
News April 4, 2025
GET READY: మరో రెండు రోజుల్లో..
గ్లోబల్ స్టార్ రామ్‌చరణ్, బుచ్చిబాబు కాంబోలో తెరకెక్కుతున్న పెద్ది సినిమా నుంచి అప్డేట్ వచ్చింది. మరో రెండు రోజుల్లో ఫస్ట్ షాట్ రిలీజ్ చేయనున్నట్లు మూవీ టీమ్ ట్వీట్ చేసింది. ఈ విషయం తెలుపుతూ కొత్త పోస్టర్‌ను పంచుకుంది. ఏఆర్ రెహమాన్ మ్యూజిక్ అందిస్తున్న ఈ మూవీలో జాన్వీ కపూర్ హీరోయిన్‌గా నటిస్తున్నారు. శివరాజ్ కుమార్ కీలక పాత్ర పోషిస్తున్నారు.
News April 4, 2025
ట్రంప్ టారిఫ్‌ల ఎఫెక్ట్.. పెరగనున్న ఐఫోన్ ధరలు?
ట్రంప్ ప్రతీకార టారిఫ్‌ల వల్ల ఐఫోన్ ధరలు పెరగనున్నట్లు తెలుస్తోంది. ఐఫోన్‌ల ప్రొడక్షన్ ప్రధానంగా చైనాలో జరుగుతోంది. ఆ దేశ ఉత్పత్తులపై US భారీగా టారిఫ్‌లు విధించింది. ఫలితంగా ఐఫోన్ ధరలు 30-40% వరకు పెరగనున్నాయి. ప్రధాన మార్కెట్లలో ఇప్పటికే ఐఫోన్ విక్రయాలు పడిపోగా, తాజా పరిస్థితుల్లో అమ్మకాలు మరింత పతనం కానున్నాయి. ఫలితంగా చైనా బయట ప్రొడక్షన్ జరిగే శామ్‌సంగ్ తదితర మొబైళ్ల కంపెనీలు లాభపడనున్నాయి.
News April 4, 2025
వక్ఫ్ సవరణ బిల్లుపై సుప్రీంకోర్టును ఆశ్రయిస్తాం: కాంగ్రెస్
వక్ఫ్ సవరణ బిల్లుపై సుప్రీంకోర్టును ఆశ్రయిస్తామని కాంగ్రెస్ వెల్లడించింది. ఈ మేరకు ఆ పార్టీ జనరల్ సెక్రటరీ జైరామ్ రమేశ్ ట్వీట్ చేశారు. ‘త్వరలో బిల్లును సుప్రీంకోర్టులో సవాలు చేస్తాం. రాజ్యాంగ నిబంధనలు ఉల్లంఘిస్తున్న మోదీ ప్రభుత్వంపై పోరాటం కొనసాగిస్తాం. CAAతో పాటు పలు చట్ట విరుద్ధ చర్యలపై వేసిన కేసులు కోర్టులో కొనసాగుతున్నాయి. వక్ఫ్ బిల్లుపైనా పోరాడతాం’ అని ఆయన పేర్కొన్నారు.