News April 3, 2025
MBNR: ‘హాని కలిగించే చర్యలను తక్షణమే అడ్డుకోవాలి’
గచ్చిబౌలిలోని 400 ఎకరాల్లో రాష్ట్ర ప్రభుత్వం యథేచ్ఛగా ఉల్లంఘిస్తుండటంపై వైల్డ్ లైఫ్ చీఫ్ వార్డెన్ మెరూకు MBNR బీఆర్ఎస్ నేత ఆర్ఎస్.ప్రవీణ్ కుమార్ నేతృత్వంలోని బీఆర్ఎస్ ప్రతినిధి బృందం అరణ్య భవన్‌లో ఫిర్యాదు చేశారు. హైదరాబాద్ సెంట్రల్ యూనివర్సిటీ పరిధిలో చట్టాలను ఉల్లంఘించి, వివిధ జంతు, వృక్ష జాతుల మనుగడకు హాని కలిగించే చర్యలను తక్షణమే అడ్డుకోవాలని వినతిపత్రంలో బీఆర్ఎస్ నేతలు కోరారు.
Similar News
News September 15, 2025
KMR: అత్యధిక వర్షపాతం ఎక్కడంటే!
కామారెడ్డి జిల్లాలో గడిచిన 24 గంటల్లో నమోదైన వర్షపాతం వివరాలను అధికారులు వెల్లడించారు. జిల్లా వ్యాప్తంగా అత్యధిక వర్షపాతం వివరాలు.. సోమూరు 108మి.మీ, మేనూరు 89.5, డోంగ్లి 89.3, వెల్పుగొండ 42.8, తాడ్వాయి 42.5, లచ్చపేట 40, బొమ్మన్ దేవిపల్లి 39.5, బీబీపేట 28.3, భిక్కనూర్ 27, బీర్కూర్ 16.5, బిచ్కుంద 16.3, ఇసాయిపేట 14.3, పాత రాజంపేట 14, మాక్దూంపూర్ 12.3,సర్వాపూర్ 12, దోమకొండ 11.8మి.మీ లుగా నమోదయ్యాయి.
News September 15, 2025
ఆకివీడు తహశీల్దార్ నియామకంలో గందరగోళం!
ఆకివీడు రెవెన్యూ కార్యాలయంలో బదిలీల గందరగోళం ఏర్పడింది. తహశీల్దార్ వెంకటేశ్వరరావును కలెక్టరేట్‌కు బదిలీ చేశారు. ఆయన స్థానంలో ముందుగా ఆచంట డిప్యూటీ తహశీల్దార్ సోమేశ్వరరావును ఇన్‌ఛార్జ్ తహశీల్దార్‌గా నియమిస్తూ ఉత్తర్వులిచ్చారు. అదే రోజు మళ్ళీ ఆదేశాలను రద్దు చేసి ఆకివీడు DT ఫరూక్‌కు బాధ్యతలిచ్చారు. MLA ఆదేశాలతోనే తొలుత ఇచ్చిన ఉత్తర్వులు రద్దు చేశారంటూ YCP శ్రేణులు ఆర్డర్ కాపీలను ట్రోల్ చేస్తున్నాయి.
News September 15, 2025
కృష్ణా: ఇకపై వారికి APSRTC బస్సుల బాధ్యతలు
ఉమ్మడి కృష్ణాలో స్త్రీశక్తి పథకం మరింత సమర్ధవంతంగా అమలు చేసేందుకు RTC సిద్ధమైంది. బస్‌స్టేషన్‌లలో పనిచేస్తున్న డ్రైవర్, కండక్టర్‌లకు బస్సులలో బాధ్యతలు అప్పగించేందుకు సిద్ధమైంది. మరో 200 మంది కండక్టర్ల అవసరం ఉండగా..వారి నియామకం పూర్తయ్యేలోపు అవుట్‌సోర్సింగ్, బస్‌స్టేషన్‌లలో పనిచేస్తున్నవారి సేవలు వినియోగించుకోనున్నట్లు తెలుస్తోంది. కాగా అవుట్‌సోర్సింగ్ నియామకాలు వద్దని యూనియన్ నాయకులు చెబుతున్నారు.