News April 3, 2025
అభివృద్ధి పనులను త్వరగా పూర్తి చేయాలి: ASF కలెక్టర్
జిల్లాలో ఉపాధి హామీ పథకం కింద చేపట్టిన సీసీ రహదారులు, మురుగు కాలువల నిర్మాణ పనులను వేగవంతం చేసి 100 శాతం పూర్తిచేసేలా చర్యలు తీసుకోవాలని కలెక్టర్ వెంకటేష్ దోత్రే అన్నారు. బుధవారం ఆసిఫాబాద్ కలెక్టరేట్ సమావేశ మందిరంలో జిల్లా అధికారులతో సమీక్ష నిర్వహించారు. రహదారులు, మురుగు కాలువల నిర్మాణ పనుల పురోగతి, ఎంబీ రికార్డులపై ఆరా తీశారు.
Similar News
News January 15, 2026
విశాఖలో ఎగబాగుతున్న భూముల ధరలు(1/2)
విశాఖలో భూముల ధరలు రోజురోజుకూ పెరుగుతున్నాయి. భోగాపురం ఎయిర్ పోర్ట్ పూర్తికావడం, ఆనందపురంలో గూగుల్ డేటా సెంటర్ రాక, మధురవాడ–కాపులుప్పాడ ప్రాంతాల్లో ఐటీ అభివృద్ధి వేగం పుంజుకోవడంతో రియల్ ఎస్టేట్ డిమాండ్ గణనీయంగా పెరిగింది. వివిధ ప్రాంతాల నుంచి ఉద్యోగులు విశాఖకు తరలివచ్చే అవకాశం ఉందని అధికారులు అంచనా వేస్తున్నారు. ఫలితంగా గృహావసరాలు, కమర్షియల్ స్పేస్పై డిమాండ్ మరింత పెరిగే పరిస్థితి కనిపిస్తోంది.
News January 15, 2026
విశాఖలో ఎగబాగుతున్న భూముల ధరలు(2/2)
చాలా ప్రాంతాల్లో గజం రూ.5 నుంచి 10 వేలు, కమర్షియల్ అయితే గజం రూ.30 వేలు వరకు పెరిగింది. ఈ పరిణామాలు స్టాంపులు రిజిస్ట్రేషన్ల ఆదాయంలోనూ ప్రతిబింబిస్తున్నాయి. జిల్లాలో స్టాంపులు రిజిస్ట్రేషన్ల శాఖ గతేడాది APR నుంచి DEC వరకు సుమారు రూ.800 కోట్ల ఆదాయం సమకూర్చుకుంది. ఇందులో మధురవాడ సబ్ రిజిస్ట్రార్ ఆఫీస్ రూ.200.58 కోట్లు, సూపర్ బజార్ రూ.172 కోట్లు, గాజువాక కార్యాలయం రూ.86.28 కోట్ల ఆదాయాన్ని సాధించాయి.
News January 15, 2026
ఆకర్షణగా ‘I ❤️ MULUGU’
జిల్లా కేంద్రంలో ఏర్పాటు చేసిన ‘I ❤️ MULUGU’ సైన్బోర్డు ప్రత్యేక ఆకర్షణగా నిలుస్తోంది. ప్రభుత్వ జూనియర్ కళాశాల సమీపంలో ఏర్పాటు చేసిన ఈ సైన్బోర్డు పట్టణ అందాన్ని మరింత పెంచింది. స్థానికులు, సందర్శకులు ఇక్కడ ఫొటోలు దిగేందుకు ఆసక్తి చూపుతున్నారు. ములుగు పట్టణానికి గుర్తింపుగా ఇది మారుతుందని ప్రజలు అభిప్రాయపడుతున్నారు.