News March 26, 2024
BIG BREAKING: ఎమ్మెల్సీ కవితకు జుడీషియల్ కస్టడీ
ఢిల్లీ లిక్కర్ స్కామ్ కేసులో BRS MLC కవితకు రౌస్ అవెన్యూ కోర్టు ఏప్రిల్ 9 వరకు జుడీషియల్ కస్టడీ విధించింది. దీంతో ఆమెను పోలీసులు తిహార్ జైలుకు తరలించనున్నారు. 10 రోజుల ఈడీ కస్టడీ ఇవాళ్టితో ముగియడంతో అధికారులు ఆమెను కోర్టులో హాజరుపరిచారు. ఆమె మధ్యంతర బెయిల్ పిటిషన్పై ఏప్రిల్ 1న విచారణ చేస్తామని న్యాయమూర్తి తెలిపారు.
Similar News
News March 26, 2026
సబ్ రిజిస్ట్రార్ ఆఫీసుల పని వేళల పొడిగింపు
తెలంగాణ రిజిస్ట్రేషన్ల శాఖ కీలక నిర్ణయం తీసుకుంది. 2025-26 ఆర్థిక సంవత్సరం మార్చి 31తో ముగియనున్న నేపథ్యంలో రద్దీని దృష్టిలో ఉంచుకొని పని వేళలను పొడిగించింది. ఈ నెల 28, 30, 31 తేదీల్లో రాష్ట్రవ్యాప్తంగా అన్ని సబ్ రిజిస్ట్రార్ కార్యాలయాలు 9:30am నుంచి 8:30pm వరకు పని చేస్తాయని చెప్పింది. రిజిస్ట్రేషన్ స్లాట్ల సంఖ్యనూ పెంచింది. సెలవులు తీసుకోకుండా పనిచేయాలని సిబ్బందికి ఆదేశాలు జారీ చేసింది.
News March 26, 2026
50ల్లోనూ యవ్వనంగా.. మలైకా సీక్రెట్ ఇదే?
3 రకాల వాటర్ షాట్స్ థెరపీ 52 ఏళ్ల వయసులోనూ తనను ఫిట్&అందంగా ఉంచుతోందని మలైకా అరోరా తెలిపారు.
ఇమ్యూనిటీ షాట్: అల్లం, పసుపు, పుదీనా, తులసి ఆకులు, చియా సీడ్స్, తేనె కలిసిన నీటిని తాగడం.
డైజెస్టివ్ షాట్: రాత్రి గ్లాస్ వాటర్లో టీస్పూన్ చొప్పున వాము, జీలకర్ర, సోంపు, మెంతి గింజలు నానబెట్టిన నీరు తీసుకోవడం.
గ్లో షాట్: అలోవేరా జెల్ కలిపిన నీటిలో అవసరమైతే చియా సీడ్స్, సబ్జా గింజలు యాడ్ చేసుకొని తాగడం.
News March 26, 2026
ఆరెంజ్ అలర్ట్.. ఈ జిల్లాల్లో వడగళ్ల వర్షాలు
TG: రాష్ట్రంలోని పలు జిల్లాల్లో రేపు వానలు పడతాయని HYD వాతావరణ కేంద్రం తెలిపింది. ADB, ఆసిఫాబాద్, సంగారెడ్డి, MDK, కామారెడ్డిలో ఉరుములు, ఈదురుగాలులతో వడగళ్ల వర్షాలు కురుస్తాయని ఆరెంజ్ అలర్ట్ జారీ చేసింది. HYD, WGL, జనగామ, SDPT, యాదాద్రి, RR, మేడ్చల్, MBNR, మంచిర్యాల, నిర్మల్, నిజామాబాద్, జగిత్యాల, సిరిసిల్ల, కరీంనగర్, PDPL, నాగర్ కర్నూల్, వనపర్తి, NRPT, GDWL జిల్లాలకు ఎల్లో అలర్ట్ జారీ చేసింది.