News April 4, 2025
జూరాలలో పోలీస్ అవుట్ పోస్ట్‌కు డీజీపీ భూమి పూజ
వనపర్తి జిల్లా అమరచింత మండలం ప్రియదర్శిని జూరాల ప్రాజెక్టులో నూతనంగా ఏర్పాటు చేసే పోలీస్ అవుట్ పోస్ట్ భవన నిర్మాణానికి రాష్ట్ర డీజీపీ జితేందర్ శుక్రవారం భూమి పూజ చేశారు. రూ.కోటితో దీనిని నిర్మించినట్లు డీజీపీ తెలిపారు. ఈ కార్యక్రమంలో మక్తల్ ఎమ్మెల్యే వాకిటి శ్రీహరి, ఐజీ రమేశ్ రెడ్డి, డీఐజీ చౌహన్, ఎస్పీ రావుల గిరిధర్, కేశం నాగరాజు గౌడ్ తదితరులు పాల్గొన్నారు.
Similar News
News April 18, 2025
కాటారం: వృద్ధురాలి హత్య కేసులో నిందితుడి అరెస్ట్
ఆదివారంపేట వృద్ధురాలి హత్య కేసును పోలీసులు చేధించారు. కొన్ని రోజుల క్రితం మృతురాలు మల్లక్క(67) కోడలు శ్రీలతతో నిందితుడు శివ(42)కు పరిచయమైంది. కాగజ్‌నగర్‌లో ఇద్దరు 3 నెలలు సహజీవనం చేశారు. శివ వేధింపులు తాళలేక శ్రీలత ఆదివారంపేటకు వచ్చింది. శ్రీలతను కలవాలని శివ చూడగా నిరాకరించింది. మల్లక్కను చంపితే కేసు శ్రీలత మీదకే వస్తుందని భావించి హత్య చేశాడు. పోలీసులు దర్యాప్తు చేపట్టి నిందితుడిని అరెస్టు చేశారు.
News April 18, 2025
మొక్కల ఆధారిత ప్రొటీన్లతో ఎక్కువ ఆయుర్దాయం
శరీరానికి విటమిన్లతో పాటు ప్రొటీన్లు చాలా అవసరం. వాటి కోసం మాంసాన్ని ఆశ్రయిస్తుంటాం. అయితే మొక్కల ఆధారిత(శనగలు, బఠానీలు, టోఫు) ప్రొటీన్లు తీసుకునే దేశాల్లో వయోజన ఆయుర్దాయం ఎక్కువని సిడ్నీ వర్సిటీ అధ్యయనంలో తేలింది. దీర్ఘకాలిక వ్యాధులు, అకాల మరణాల ప్రమాదం తక్కువగా ఉంటుందని వెల్లడైంది. 1961-2018 మధ్య 101 దేశాల్లో ఆహార సరఫరా, జనాభా డేటా ఆధారంగా సైంటిస్టులు ఈ అధ్యయనం చేశారు.
News April 18, 2025
శాంతి భద్రతలకు ప్రతి ఒక్కరూ సహకరించాలి: డీసీపీ
శాంతిభద్రతలకు ప్రతి ఒక్కరూ సహకరించాలని వరంగల్ ఈస్ట్ జోన్ డీసీపీ అంకిత్ కుమార్ సూచించారు. నర్సంపేటలోని బస్టాండ్ ఆవరణలో స్పెషల్ ట్రైన్డ్ నార్కో అనాలసిస్ డాగ్ స్క్వాడ్ సహకారంతో శుక్రవారం తనిఖీలు చేపట్టారు. గంజాయి ఇతర మత్తు పదార్థాల రవాణా నియంత్రణకు ఈ తనిఖీలు చేపట్టినట్లు డీసీపీ అంకిత్ కుమార్ తెలిపారు. ఏసీపి కిరణ్ కుమార్, సిఐ రమణమూర్తి, ఎస్సైలు రవికుమార్, అరుణ్ తదితరులు ఉన్నారు.