News April 5, 2025
MDCL: మొక్కకు నీరందించే బెస్ట్ టెక్నిక్.. ఇదే..!
HYD, RR, MDCL, VKB జిల్లా వ్యాప్తంగా పర్యావరణ ప్రేమికులు పలుచోట్ల మొక్కలు నాటుతుంటారు. అలాంటివారికి IFS అధికారి మోహన్ కొత్త టెక్నిక్ పరిచయం చేశారు. మొక్కనాటే ముందు గుంత తవ్వి, అందులో కంకర వేసి, ప్రత్యేకంగా పైపు ఏర్పాటు చేసి, కంకర నింపాలని, ఆ తర్వాత మొక్క నాటాలన్నారు. డైరెక్ట్ పైపులో నీరు పోస్తే, డైరెక్ట్ మొక్క వేర్లకు నీరు అందుతుంది, ఏపుగా ఎదుగుతుందని, నీరు వృథా కావన్నారు.
Similar News
News April 6, 2025
మోదీ కౌంటర్..సంతకాలైనా తమిళంలో చేయండి
వైద్య విద్యను తమిళంలో అందించాలని తమిళనాడు ప్రభుత్వానికి ప్రధాని మోదీ సూచించారు. రాష్ట్రం నుంచి వచ్చిన వినతి పత్రాలలో సంతకాలు తమిళంలో ఉండవని, కనీసం సంతకాలైనా మాతృభాషలో చేస్తే బాగుంటుందని రాష్ట్ర నాయకులకు సూచించారు. తమిళ భాష, సంస్కృతి అభివృద్ధి కోసం కేంద్రం ప్రయత్నిస్తోందన్నారు. జాతీయ విద్యా విధానం అమలు చేస్తే తమిళ భాషకు అన్యాయం జరుగుతుందని స్టాలిన్ ప్రభుత్వం వ్యతిరేకిస్తున్న సంగతి తెలిసిందే.
News April 6, 2025
భద్రాద్రిలో ముగిసిన CM రేవంత్ రెడ్డి పర్యటన
సీఎం రేవంత్ రెడ్డి భద్రాచలంలోని శ్రీ సీతారామచంద్ర స్వామి వారి కళ్యాణం, తాళ్ల గుమ్మూరు గ్రామంలో గిరిజన కుటుంబంలో భోజనాలు చేసిన అనంతరం బీపీఎల్‌లో ఏర్పాటు చేసిన హెలీ ప్యాడ్ గ్రౌండ్ నుంచి హెలికాప్టర్ ద్వారా హైదరాబాదుకు బయలుదేరారు. మంత్రి పొంగులేటి శ్రీనివాస్ రెడ్డి, జిల్లా కలెక్టర్ జితేష్ వి పాటిల్ ఇతర శాఖల అధికారులు సీఎంకు ఘనంగా వీడ్కోలు పలికారు.
News April 6, 2025
పిఠాపురం: రాముడు చెంతకు రామచిలుక
పిఠాపురం పట్టణం చిట్టోడి తోటలో కొలువైన విద్యా గణపతి శ్రీ కోదండరామ ఆలయంలో శ్రీరామ నవమి కళ్యాణ మహోత్సవం జరుగుతుండగా అద్బుత సంఘటన చోటు చేసుకుంది. రామచిలక రాముడి వద్దకు చేరుకుంది. కళ్యాణ మహోత్సవం జరుగుతుండగా రాముల వారి విగ్రహం ఎడమ భుజంపై వాలి కళ్యాణ మహోత్సవం జరిగేంత వరకు ఉంది. ఇదే దేవాలయంలో పది సంవత్సరాల క్రితం కళ్యాణ మహోత్సవానికి రామచిలక వచ్చిందని స్థానిక ప్రజలు తెలిపారు.