News April 8, 2025
నరసరావుపేట: ‘క్రిప్టో కరెన్సీ పేరుతో రూ.60 లక్షలు కొట్టేశారు’
క్రిప్టో కరెన్సీ పేరుతో రూ.60 లక్షలు కొట్టేశారని తమకు న్యాయం చేయాలని బాధితులు వెంకటేశ్వరరెడ్డి, కృష్ణారెడ్డి, సతీశ్, శ్రీనివాసులు ఎస్పీ కార్యాలయంలో ఫిర్యాదు చేశారు. నాగేశ్వర్, రవికుమార్‌లు ఆన్లైన్ నెట్వర్క్ పేరుతో అత్యధిక లాభాలు వస్తాయని ఆశ చూపారు. పెట్టుబడి పెట్టించి, డబ్బులు తిరిగి ఇవ్వకుండా ఇబ్బంది పెడుతున్నారని వాపోయారు. వారిపై చర్యలు తీసుకోవాలని బాధితులు కోరారు.
Similar News
News April 17, 2025
NLG: ఉద్యోగాలు.. APPLY NOW
అగ్నివీర్ ఆర్మీ రిక్రూట్మెంట్ ఆన్లైన్ దరఖాస్తు నమోదుకు ఈనెల 25 వరకు గడువు పొడిగించినట్లు జిల్లా ఉపాధికల్పన అధికారి పద్మ తెలిపారు. ఆర్మీ రిక్రూట్మెంట్ 2025-28 సంవత్సరానికి అగ్నిపథ్ పథకం కింద అగ్నివీర్ ఆన్లైన్ రిజిస్ట్రేషన్ గడువును పొడిగించారన్నారు. ఆసక్తి గల అభ్యర్థులు www.joinindianarmy.ac.in వెబ్‌సైట్‌లో దరఖాస్తు చేసుకోవాలన్నారు. ఈ అవకాశాన్ని సద్వినియోగం చేసుకోవాలని సూచించారు.
News April 17, 2025
బాపట్ల జిల్లా జాయింట్ కలెక్టర్ ప్రకార్ జైన్ బదిలీ
బాపట్ల జిల్లా జాయింట్ కలెక్టర్‌గా విధులు నిర్వహిస్తున్న ప్రకార్ జైన్‌ను బదిలీ చేస్తూ ఆంధ్రప్రదేశ్ ప్రభుత్వ చీఫ్ సెక్రటరీ విజయానంద్ బుధవారం ఉత్తర్వులు జారీ చేశారు. ఆయనను రియల్ టైం గవర్నెన్స్ సొసైటీ (RTGS)కు బదిలీ చేస్తూ ఉత్తర్వులు విడుదల చేశారు. నూతన జాయింట్ కలెక్టర్ నియమించే వరకు బాపట్ల జిల్లాకు ఇన్‌ఛార్జ్ జాయింట్ కలెక్టర్‌ను నియమించడానికి చర్యలు తీసుకోవాలని ఆదేశించారు.
News April 17, 2025
HYD: స్మితా సబర్వాల్‌కు నోటీసులు జారీ
కంచ గచ్చిబౌలి భూముల వ్యవహారంలో ఐఏఎస్ అధికారిని స్మితా సబర్వాల్‌కు గచ్చిబౌలి పోలీసులు నోటీసులు జారీ చేశారు. ఏఐ జనరేటెడ్ ఫోటోలను సోషల్ మీడియాలో స్మితా సబర్వాల్ రీ పోస్ట్ చేశారు. దీంతో స్మితా సబర్వాల్‌కు గచ్చిబౌలి పోలీసులు నోటీసులు జారీ చేసినట్లు తెలుస్తోంది.