News March 27, 2024
నేను టీడీపీలోనే ఉంటా: మాగంటి బాబు
AP: తాను పార్టీ మారబోతున్నట్లు వస్తున్న వార్తలపై ఏలూరు టీడీపీ సీనియర్ నేత మాగంటి బాబు స్పందించారు. ‘గత 24 గంటల నుంచి సోషల్ మీడియాలో వస్తున్న వార్తలన్నీ అవాస్తవం. నేను పార్టీ మారతాననే వార్తలను నమ్మొద్దు. వ్యక్తిగత పనులపై హైదరాబాద్లో ఉండటంతో క్యాంప్ కార్యాలయంలో అందుబాటులో లేను. టీడీపీని విడిచిపెట్టే ఆలోచన నాకు లేదు’ అని మాగంటి బాబు కార్యకర్తలతో అన్నారు.
Similar News
News January 25, 2026
Republic day Special : దుర్గాబాయి దేశ్ముఖ్
దుర్గాబాయి దేశ్ముఖ్ గాంధీజీ పిలుపు మేరకు ఆంధ్ర మహిళ దుర్గాబాయి దేశ్ముఖ్ జాతీయోద్యమంలో పాల్గొన్నారు. 1930లో ఉప్పు సత్యాగ్రహంలో, 1942 క్విట్ ఇండియా ఉద్యమంలో పాల్గొని పలుమార్లు జైలుకెళ్లారు. సంఘసంస్కరణ ఉద్యమంలోనూ ప్రముఖ పాత్ర వహించారు. 1929లో మహిళా ఉద్ధరణకు మద్రాసులో ‘ఆంధ్ర మహిళా సభ’ను స్థాపించారు. ఈ పేరుతోనే హైదరాబాదులోనూ 1958లో స్థాపించి స్త్రీ జనోద్ధరణకు సహాయకారిగా నిలిచారు.
News January 25, 2026
బంగ్లాలో మరో హిందువును చంపేశారు!
బంగ్లాదేశ్లో హిందువుల <<18881711>>హత్యలు<<>> ఆగడం లేదు. తాజాగా నర్సింగడి జిల్లాలో చంద్ర భౌమిక్(23)ను కాల్చి చంపారు. అతను పని చేస్తున్న గ్యారేజీలో నిద్రపోతుండగా పెట్రోల్ పోసి నిప్పు పెట్టడంతో సజీవ దహనమయ్యాడు. ఓ వ్యక్తి దుకాణానికి నిప్పు పెట్టి పారిపోతున్న CC టీవీ దృశ్యాలను పోలీసులు పరిశీలిస్తున్నారు. చంద్ర తండ్రి గతంలోనే చనిపోగా అనారోగ్యంతో ఉన్న తల్లి, దివ్యాంగుడైన అన్న, మరో సోదరుడి పోషణకు ఇతనే ఆధారంగా ఉన్నాడు.
News January 25, 2026
పాక్ హెచ్చరికలపై ICC సీరియస్?
బంగ్లాదేశ్కు మద్దతుగా నిలిచిన పాకిస్థాన్ క్రికెట్ బోర్డు (PCB)పై ICC ఆగ్రహించినట్లు తెలుస్తోంది. బంగ్లాను వెనకేసుకొస్తూ PCB ఛైర్మన్ <<18949866>>నఖ్వీ<<>> చేసిన వ్యాఖ్యలు వివాదాస్పదమయ్యాయి. ఈ క్రమంలో T20 వరల్డ్ కప్ నుంచి తప్పుకొంటామన్న పాక్ హెచ్చరికలపై ICC సీరియస్ అయినట్లు సమాచారం. టోర్నీని బహిష్కరిస్తే.. ద్వైపాక్షిక సిరీస్లు, ఆసియా కప్తో పాటు ఆటగాళ్లకు ఇచ్చే NOCలను కూడా రద్దు చేస్తామన్నట్లు తెలుస్తోంది.