News April 12, 2025

పాలకొండ: రోడ్డు ప్రమాదంలో ఒకరి మృతి

పాలకొండ మండలం విపిరాజుపేట జంక్షన్ వద్ద జరిగిన రోడ్డు ప్రమాదంలో ఒకరు మృతి చెందారు. కోటిపల్లికి చెందిన మోహన్‌రావు శనివారం ఉదయం పెళ్లి కార్డులను పంచడానికి బైక్‌పై వెళ్తుండగా దారిలో ఓ ప్రైవేట్ స్కూల్ బస్సును ఢీకొట్టాడు. ప్రమాదంలో తీవ్రంగా గాయపడిన మోహన్‌రావును స్థానికులు 108లో పాలకొండ ఏరియా ఆస్పత్రికి తరలించారు. అక్కడ చికిత్స పొందుతూ మృతి చెందినట్లు వైద్యులు తెలిపారు. పోలీసులు కేసు నమోదు చేసుకున్నారు.