News April 13, 2025
కేటీఆర్ గాలి మాటలు మానుకో: MBNR ఎంపీ
రాజకీయ లబ్ధి పొందేందుకు గాలి మాటలు మాట్లాడొద్దని ఎంపీ డీకే అరుణ బీఆర్ఎస్ వర్కింగ్ ప్రెసిడెంట్ కేటీఆర్‌ను హెచ్చరించారు. AP పర్యటనలో ఆమె మీడియాతో మాట్లాడుతూ.. HUC భూముల విషయంలో సీఎం రేవంత్ రెడ్డికి BJP ఎంపీ సహకరిస్తున్నాడని ఆరోపిస్తున్న కేటీఆర్ దమ్ముంటే ఎంపీ పేరు చెప్పాలని డిమాండ్ చేశారు. పేరు చెప్పకుండా బీజేపీపై నిందలు వేస్తే ఖబర్దార్ అని తీవ్ర స్థాయిలో ఆమె హెచ్చరించారు.
Similar News
News April 14, 2025
మహబూబ్‌నగర్ జిల్లాలో 2 చిరుత పులుల కలకలం..!
మహబూబ్‌నగర్ జిల్లా నవాబుపేట మండలం యన్మన్గండ్ల గ్రామ సమీపంలోని దేవరగట్టులో 3 రోజులుగా 2 చిరుత పులులు సంచరిస్తున్నాయని స్థానికులు తీవ్ర ఆందోళన వ్యక్తం చేస్తున్నారు. ఒంటరిగా బయటకు వెళ్లాలంటే భయంగా ఉందని, అటవీ శాఖ అధికారులు స్పందించి సాధ్యమైనంత త్వరగా వాటిని బంధించాలన్నారు. స్థానిక గుట్టపై చిరుత పులులు సంచరిస్తున్న వీడియోలు సోషల్ మీడియాలో వైరల్‌గా మారాయి.
News April 14, 2025
BREAKING: మహబూబ్‌నగర్‌లో తీవ్ర విషాదం
మహబూబ్‌నగర్‌లో ఈరోజు తీవ్ర విషాదం చోటు చేసుకుంది. స్థానికులు తెలిపిన వివరాలు.. మహబూబ్‌నగర్ పరిధిలోని ప్రభుత్వ వైద్య కళాశాల వద్ద క్వారీ గుంతలో ఈతకు దిగిన ముగ్గురు యువకులు నీట మునిగారు. ఈ ప్రమాదంలో ఒకరు చనిపోగా మరో ఇద్దరు గల్లంతయ్యారు. ఒక యువకుడి మృతదేహం లభ్యం కాగా మరో ఇద్దరి కోసం పోలీసులు గాలిస్తున్నారు. ఇద్దరు యువకులు మునిగిపోతుండగా వాళ్లని కాపాడబోయి మరో యువకుడు కూడా మునిగిపోయాడు.
News April 14, 2025
MBNR: మనస్తాపంతో యువకుడి ఆత్మహత్య
ఓ యువకుడు ఆత్మహత్య చేసుకున్న ఘటన నిన్న మహమ్మదాబాద్ మండలంలో జరిగింది. పోలీసుల వివరాలు.. జంగంరెడ్డిపల్లికి చెందిన ఆనంద్(24) HYDలో కూలీ పనిచేసుకుని జీవిస్తున్నాడు. శనివారం సొంతూరుకు వచ్చాడు. మద్యానికి బానిసైన ఆనంద్.. తనకంటూ ఎవరూ లేరని తనలో తాను కుమిలిపోవటం చేస్తుండేవాడు. ఈ క్రమంలో పొలం వద్దకు వెళ్లి చెట్టుకు ఉరేసుకుని మృతిచెందాడు. ఈ మేరకు కేసు నమోదైంది.