News April 16, 2025

గద్వాల: భార్య హత్య కేసులో భర్తకు జైలు

ఎర్రవల్లి మండలంలో ఓ వ్యక్తిని రిమాండ్‌కు తరలించారు. పోలీసుల వివరాలు.. సాతర్లకి చెందిన షాలు తన భార్య నషియాబాను(32)తో గొడవ పెట్టుకుని మార్చి 30న రోకలిబండతో దాడి చేయటంతో ఆమె కోమాలోకి వెళ్లింది. కర్నూల్ ఆసుపత్రిలో చికిత్స పొందుతూ ఈ నెల 4న మృతి చెందింది. ఆమె తల్లి మాసుంబీ ఫిర్యాదు మేరకు కేసు నమోదైంది. ఈ కేసు విచారణలో భాగంగా మంగళవారం షాలును అరెస్టు చేసి కోర్టులో హాజరుపర్చి రిమాండ్‌కు తరలించారు.