News March 27, 2024
తెలుగు బిడ్డ తిలక్‌వర్మ ఏం చేస్తాడో?
హైదరాబాద్‌లోని ఉప్పల్ స్టేడియంలో ముంబై ఇండియన్స్‌తో మ్యాచ్‌లో సన్‌రైజర్స్ హైదరాబాద్ బ్యాటర్లు ఊచకోత కోశారు. 277 రన్స్ చేసి ఐపీఎల్ చరిత్రలో అత్యధిక స్కోర్ నమోదు చేశారు. ఈ మ్యాచ్‌లో బ్యాటింగ్ చేయకముందే ముంబై ఓటమి దాదాపు ఖరారైంది. అయితే ఆ జట్టులో ఉన్న తెలుగు క్రికెటర్ తిలక్‌వర్మపై అందరి దృష్టి నెలకొంది. సొంతగడ్డపై తిలక్ ఎలా ఆడతారో అనేది ఆసక్తికరంగా మారింది. దీనిపై మీరేం అంటారు? కామెంట్ చేయండి.
Similar News
News November 5, 2024
రాజకీయాలకు గుడ్ బై చెప్పే యోచనలో శరద్ పవార్!
రాజకీయాలకు స్వ‌స్తి ప‌ల‌కాల‌ని శరద్ పవార్ (83) యోచిస్తున్నట్లు తెలుస్తోంది. బారామ‌తి ఎన్నిక‌ల ప్ర‌చారంలో మాట్లాడుతూ ‘రాజ్య‌స‌భ MPగా ఏడాదిన్న‌ర పద‌వీకాలం మిగిలింది. ఇప్పటివరకు పోటీ చేసిన 14 ఎన్నిక‌ల్లో ప్ర‌తిసారీ న‌న్ను గెలిపించారు. ఇక ఎక్క‌డో ఒక‌చోట ఆపేయాలి. రాబోయే 30 ఏళ్లపాటు పనిచేసే కొత్త నాయకత్వాన్ని తీర్చిదిద్దుకోవాలి’ అని వ్యాఖ్యానించారు. మంచి చేయ‌డానికి రాజ‌కీయాలు అవ‌స‌రం లేద‌న్నారు.
News November 5, 2024
రాంగ్ రూట్‌లో వెళ్తే రూ.2,000 ఫైన్
హైదరాబాద్‌లో నేటి నుంచి ట్రాఫిక్ రూల్స్ పకడ్బందీగా అమలులోకి వచ్చాయి. రూల్స్ బ్రేక్ చేస్తే మునుపటిలా చూసీచూడనట్లు వదిలేయడం ఇక ఉండదు. హెల్మెట్ లేకుండా వాహనంతో రోడ్డెక్కితే రూ.200 ఫైన్ వేస్తారు. రాంగ్ రూట్‌లో నడిపితే రూ.2000 జరిమానా చెల్లించాల్సి ఉంటుంది. 3 నెలల పాటు డ్రైవింగ్ లైసెన్స్‌పై సస్పెన్షన్ కూడా విధిస్తారు. ఇటీవల రోడ్డు ప్రమాదాల్లో మరణాలు పెరుగుతుండటంతో ట్రాఫిక్ విభాగం ఈ నిర్ణయం తీసుకుంది.
News November 5, 2024
గంభీర్ ట్వీట్‌కు రిప్లై ఇచ్చిన షారుఖ్ ఖాన్
తన పుట్టినరోజు సందర్భంగా గౌతమ్ గంభీర్ చేసిన ట్వీట్‌కు బాలీవుడ్ హీరో షారుఖ్ ఖాన్ రిప్లై ఇచ్చారు. ‘ఈయనే 25 ఏళ్ల వ్యక్తి. ప్రతి ఏటా మీ శక్తి, తేజస్సు మరింత పెరుగుతూ వస్తోంది. మీరు ఎప్పటికీ ప్రేమను పంచుతూ ఉండండి’ అని గంభీర్ ట్వీట్ చేశారు. దీనికి షారుఖ్ స్పందిస్తూ ‘నాకు 25 ఏళ్లా? నేనింకా చిన్నవాడిని అనుకున్నానే. హ హ. స్ఫూర్తిగా నిలుస్తున్నందుకు థాంక్స్. మీరెప్పటికీ నా కెప్టెనే’ అని రిప్లై ఇచ్చారు.